وحدات "سكن لكل المصريين 2" ضمن مبادرة التمويل العقاري

وزارة الاسكان الاجتماعي طرحت 100 الف وحدة سكنية لمحدودي ومتوسطي الدخل في مناطق مختلفة في مصر بعنوان "سكن لكل المصريين" وميزتها انها شروطها أقل بكتير من أي وحدات سكنية طرحتها الدولة قبل كده وكمان هينطبق عليها شروط مبادرة التمويل العقاري اللي بفايدة 3% على 30 سنة بعد ما يتم تشطيبها وتسليمها من الوزارة.

اعرف من هنا اخر اخبار مبادرة التمويل العقاري أبريل 2021

مواصفات الوحدات 

سكن لكل المصريين عبارة عن 

• وحدات جاهزة للتسليم الفوري (غرفتين وصالة، أو 3 غرف وصالة) بمساحات بتتراوح بين 75 و 90 متر مربع في مدن ومراكز المحافظات دي: (الإسماعيلية، المنيا، الشرقية، سوهاج، قنا، الإسكندرية، المنوفية، كفر الشيخ، أسوان، الغربية، البحيرة، مطروح، الفيوم، بني سويف، أسيوط، الوادي الجديد، الأقصر، شمال سيناء، ودمياط)، وتتراوح أسعار الوحدات السكنية بين 164 و310 آلاف جنيه

• ووحدات تانية ضمن نفس الإعلان لمتوسطى الدخل في مدينة شطا والزرقا في محافظة دمياط بمساحات بتتراوح بين 105 و114متر مربع، وهيتم شراء الوحدات دي حسب نظام التمويل العقاري، بحيث هيتم سداد مقدم يبدأ من 10% لوحدات محدودي الدخل، و15 % لوحدات متوسطي الدخل، وبعدين هيتم تقسيط باقى ثمن الوحدة بنظام التمويل العقارى لمدة تصل إلى 30 سنة بسعر عائد 3% سنويًا متناقصة.

• كمان هيتم طرح وحدات كاملة التشطيب (3 غرف وصالة) هتتسلم خلال 36 شهر في المدن: (بدر، حدائق العاصمة، 15 مايو، حدائق أكتوبر، 6 أكتوبر، العاشر من رمضان، أسوان الجديدة، العلمين الجديدة، المنيا الجديدة، ناصر، رشيد الجديدة، بني سويف الجديدة، الغردقة "البداري"، وبورفؤاد)، وهتتراوح مساحات الوحدات السكنية المطروحة بين 100 و120 متر مربع، ويتراوح سعر الوحدة السكنية بين 471 و950 ألف جنيه، وهيتم سداد 12 دفعة ربع سنوية من أول 1 يناير 2022 قيمتها 25 % من ثمن الوحدة، وبعد كده هيتسدد باقي ثمن الوحدة بحد أقصى 65% من ثمن بيعها بنظام التمويل العقاري لمدة تصل إلى 30 سنة بسعر عائد 3 % متناقصة سنوياً.

اخر ميعاد للتقديم هو الخميس 23 سبتمبر 2021.

خطوات التقديم

 1- لازم تشتري كراسة الشروط من أي مكتب بريد مميكن قريب منك.

2- بعد دفع المصاريف والدمغات بتسدد مبلغ جدية الحجز حسب المدينة اللي هتختار فيها الوحدة.

3- رفع المستندات المطلوبة لحجز الوحدة السكنية على الموقع الرسمي الخاص بصندوق الإسكان الاجتماعي والتمويل العقاري.

بعد كده بتستنى لحد ميعاد اغلاق الحجز وبعدها صندوق الإسكان الاجتماعي هيعلن عن أسماء المتقدمين اللي تنطبق عليهم الشروط، وبكده هيبدأ تسديد الأقساط الربع سنوية، وهيتم تسليم الوحدات السكنية خلال ثلاث سنوات من موعد إعلان طرح الوحدات السكنية.

اخر ميعاد للتقديم هو الخميس 23 سبتمبر 2021.