"مدينة نور" كومباوند جديد بمقدم يبدأ من 38 ألف جنيه

أعلنت مجموعة طلعت مصطفى عن وضع حجر الاساس لمدينة " نور" اللي هتكون موقعها أمام العاصمة الإدارية على مساحة 5,000 فدان، وبحجم استثمارات 500 مليار جنيه، وهيدخل للدولة ضرائب بقيمة 110 مليار جنيه -على مدار حياة المشروع- وهيوفر حوالي 3.3 مليون فرصة عمل منتظمة وغير منتظمة.

المدينة دي مش للأغنياء بس!

المهندس هشام طلعت مصطفى وضح أن المدينة بيتم تنفيذها بالشراكة بين وزارة الإسكان والشركة العربية للاستثمار العمراني اللي ضمن مجموعة طلعت مصطفى، والمشروع ده هيضم حوالي 140 ألف وحدة سكنية، وأكد أنها هتكون متاحة لكل الفئات، بحيث هيتم إتاحة انظمة سداد لأول مرة في مصر تحت اشراف الجهاز المصرفي اللي هتكون لحد 15 سنة وده بالتعاون مع البنك الأهلي وبنك مصر وبنك القاهرة.

وأكد أن الهدف من إنشاء المدينة هو خدمة الناس مش الربح، وإن مقدم الوحدة السكنية يبدأ من 38 ألف جنيه والقسط الشهري أقل من 3,800 جنيه على 15 سنة.

المشروع هيوفر حوالي 3.3 مليون فرصة عمل منتظمة وغير منتظمة

المدينة موقعها مش مناسب ليك؟

متنساش مبادرة الرئيس السيسي للتمويل العقاري اللي عن طريقها تقدر تختار الشقة اللي تناسبك والبنك هيشتريها لك والتسديد لغاية 30 سنة وبفايدة 3% تناقصية، وسعر الوحدة السكنية بيتحدد حسب دخلك، فـ لو انت دخلك 4,000 جنيه أو أقل فـ تقدر تختار شقة في حدود 350 ألف جنيه، أما لو دخلك أكتر من 40,00 جنيه وأقل من 10,000 جنيه فـ تقدر تختار شقتك في حدود 1.1 مليون جنيه، والمقدم بحد أدنى 20% من تمن الوحدة.

المبادرة دي لسه مبدأش التسجيل فيها لغاية دلوقتي، وقريب جداً هتنزل كراسة الشروط في كل مكاتب البريد.

لو عايز تعرف أكتر عن كل شروطها وتفاصيلها ادخل هنا، مبادرة البنك المركزى للتمويل العقارى مارس 2021