"منصة مصر الرقمية" اللي أطلقها الرئيس السيسي هتفيدك في ايه؟
تاريخ النشر: 06 يوليو 2022 عالم المال
هتوفر مشواير كتير جدًا، وتخلص حاجات كتير من مكانك
اعرف معلومات أكتر عن منصة مصر الرقمية اللي أطلقها الرئيس عبدالفتاح السيسي رسميًا، النهاردة الأربعاء 6 يوليو 2022، والدولة مهتمة من فترة طويلة ببناء دولة رقمية عصرية حديثة.
من أبرز مهام منصة مصر الرقمية إنها بتتيح الخدمات الإلكتروني لكل فئات الشعب المصري، وهنقولك معلومات أكتر عن الخدمات اللي بتقدمها المنصة دي وازاي تستفيد منها.
أنت ممكن تخلص حاجات كتير جدًا من مكانك في دقايق معدودة من غير ما تروح المكان بنفسك وتضيع وقتك وتاخد دور والإجراءات تطول معاك.
اقرأ كمان: 5 خدمات بتقدمهالك وحدات المرور الإلكترونية
خدمات منصة مصر الرقمية
- الأحوال المدنية.
- التموين.
- التوثيق.
- الحالة الشخصية.
- مركباتي.
- الشهر العقاري.
- الإسكان الاجتماعي.
- رخصي.
- السجل التجاري.
- المحاكم.
- الضرائب العقارية.
- خدمات القضايا.
- التأمين الاجتماعي.
- دار الإفتاء.
- التأمين الصحي الشامل.
- الزراعة.
دليل المواقع والجهات الحكومية
كمان الموقع الإلكتروني الجديد "منصة مصر الرقمية: بتقدملك إكان البحث في دليل الوزارات كالآتي:
- رئاسة مجلس الوزراء.
- وزارة الدفاع والإنتاج الحربي.
- وزارة الإنتاج الحربي.
- وزارة البترول والثروة المعدنية.
- وزارة الكهرباء والطاقة المتجددة.
- وزارة الخارجية.
- وزارة البيئة.
- وزارة الاتصالات وتكنولوجيا المعلومات.
- وزارة التربية والتعليم.
- وزارة القوى العاملة.
- وزارة العدل.
- وزارة التنمية المحلية.
- وزارة الإسكان والمرافق والمجتمعات العمرانية.
- وزارة الأوقاف.
- وزارة الداخلية.
- وزارة التجارة والصناعة.
- وزارة المالية.
- وزارة الطيران المدني.
- وزارة النقل.
- وزارة الثقافة.
- وزارة الصحة والسكان.
- وزارة الموارد المائية والري.
- وزارة الزراعة.
- وزارة التعاون الدولي.
- وزارة التخطيط والتنمية الاقتصادية.
- وزارة التعليم العالي والبحث العلمي.
- وزارة التموين والتجارة الداخلية.
- وزارة السياحة والآثار.
- وزارة الشباب والرياضة.
- وزار شئون المجالس النيابية.
- وزارة التضامن الاجتماعي.
- وزارة الدولة للهجرة وشئون المصريين بالخارج.
- وزارة قطاع الأعمال العام.
اعرف كمان: المخالفات المرورية 2022: خطوات الاستعلام والدفع الإلكتروني
أرقام الطوارئ
كمان منصة مصر الرقمية بتقدملك أرقام الطوارئ زي النجدة والإسعاف واستعلامات الكهرباء.
وهتعرف كمان توصل للجهات الحكومية في أي مكان في مصر بالخرائط اللي بتقدمها المنصة.
منصة مصر الرقمية مهيئة إنك تعمل عليها حساب وكمان تقدر تعمل بحث وكمان في خط ساخن للتواصل اعرف أكتر من هنا
