10 بنوك تدعم تطبيق Instapay:على رأسهم الأهلي وبنك مصر
تاريخ النشر: 12 أكتوبر 2022 عالم المال
ايه هو تطبيق انستاباى وليه تستخدمه؟
لو عندك اكتر من حساب بنكى وعاوز تحول فلوسك من حساب للتانى او لمحفظه الكترونية زى(فودافون كاش-اتصالات كاش-اورنج كاش) او كارت ميزة، الموضوع دلوقتى بقى سهل ومبياخدش وقت ومش محتاج تروح البنك كمان.
فى تطبيق اسمه انستاباى ده تطبيق مرخص ومدعوم من البنك المركزى المصرى بيقدملك خدمة ادارة حساباتك البنكية وتحويل فلوسك بكل سهولة عن طريق الموبايل.
وفى 10 بنوك بتدعم انستاباى instapay وهى البنوك اللى بتعمل بشبكة المدفوعات اللحظية IPN.
تقدر تحمل التطبيق على
البنوك المشتركة فى تطبيق انستاباى instapay:
- البنك الاهلى المصرى
- البنك التجارى الدولى CIB
- بنك QNB
- بنك مصر
- بنك القاهرة
- البنك العربى الافريقى الدولى
- البنك العربى
- بنك الاسكندرية
- بنك SAIB
- EGBANK
اعرف أكتر عن المنتجات البنكية المختلفة وقدم عليها أونلاين من مكانك من هنا
تطبيق انستاباى بيقدملك ايه؟
- معاملاتك هتتم فى ثوانى بدل ما كان تحويل الفلوس من حساب لحساب فى نفس البنك بياخد 24 ساعة ولبنك تانى 48 ساعة دلوقتى تحويل الفلوس عن طريق تطبيق انستاباى هيخلص فى ثوانى.
- تقدر تحول فلوسك فى اى وقت طول ايام الاسبوع وعلى مدار 24 ساعة وفى الاجازات كمان.
- التطبيق امن تماما وكل البيانات اللى بتدخلها التطبيق مش بيسجلها ولا يمكن الوصول اليها بأى شكل.
- تقدر تعرف رصيدك فى اى وقت وتتابع معاملاتك كلها من خلال التطبيق.
بس خلى بالك ان الحد الأقصى للمعاملة الواحدة 50 ألف جنيه
