4 خدمات بتقدمهالك بوابة مصر المرورية
تاريخ النشر: 12 أكتوبر 2022 عالم المال
ايه هي بوابة مرور مصر؟ وايه الخدمات اللي بتقدمها؟
عملت وزارة العدل موقع الكتروني اسمه مرور مصر مخصص لخدمات المرور، وده هيساعد في انك تخلص مصالحك المرورية وأنت في بيتك بدل ما تقف في طوابير كتير وتستنى دورك.
اعرف اكتر عن 5 خدمات بتقدمهالك وحدات المرور الإلكترونية
الخدمات اللي بتقدمها وزارة العدل في موقع مرور مصر الالكتروني هي:
الاستعلامات
ودي تعرف منها لو في مخالفة على عربيتك او على رخصتك الشخصية، وامتى تجددها وايه تكلفة رسوم التجديد.
اعرف أكتر عن مخالفات المرور من هنا: ايه هي مخالفات المرور اللي ماينفعش فيها تصالح ؟
الدفع
لو عايز تجدد رخصتك الشخصية او رخصة عربيتك فممكن دلوقتي تعملها اونلاين والدفع بيكون عن طريق بطاقتك الائتمانية او ممكن تدفع وانت بتستلم الرخصة
التظلمات
لو عايز تقدم على تظلم على مخالفة اتسجلت عليك ف انت مش محتاج تروح لحد المرور وتقف في طابور زي زمان، ممكن دلوقتي تعملها عن طريق موقع مرور مصر وتعرف النتيجة كمان من خلال الموقع
خدمة متابعة الطلبات
الخدمة دي بتساعدك في انك تتابع طلبك اللي أنت سجلته على الموقع زي التظلمات او تعرف لو رخصتك خلصت وتستلمها منين.
مأمن على عربيتك ولا لسه؟ قارن وقرر بين أفضل عروض التأمين وأمن من مكانك من هنا
بدل فاقد
انت كمان لو رخصتك ضاعت ومش لاقيها ممكن تقدم على بدل فاقد من موقع مرور مصر، بس لازم تكون الشروط دي موجودة قبل ما تقدم:
- لازم تطلع شهادة "براءة ذمة شهادة المخالفات"، ودي لإثبات ان عربيتك مفيش عليها اي مخالفات.
- لازم تكون الرخصة الضايعة سارية ومش منتهية.
- صورة لبطاقتك الشخصية وتبقى سارية.
لو عايز تخلص إجراءاتك المرورية من بوابة مصر دوس هنا.
