هتركب إيه أوبر باص ولا سويفل ولا الميكروباص؟

"صباح الخير، عندنا session بكره في القرية الذكية ياشباب!" دي كانت أول كلمة نسمعها من مديرنا أول الأسبوع، وبعدها ابتدينا نفكر هنطلع على القرية ازاي! طبعا في ناس باعتنا وقالوا انهم هيروحوا بعربيتهم علي طول، بس الأغلبية اتفقوا يركبوا من ميدان التحرير، علي أساس أن كل اللي طالع الجيزة لازم يعدي منه. المهم في مجموعة حجزت سويفل ورشحوه بقوة، ومجموعة تانية قالت أن أوبر باص أحسن لهم وحجزوا معاه، والمجموعة الأخيرة كسلوا يفتحوا الموبايل واتفقوا يتقابلوا في عبدالمنعم رياض ويركبوا اللي يلاقوه. 

طبعا الجو ده أكد أن في تحدي في الطريق، وقررنا انه هيكون مين هيوفر أكتر؟ ومين هيوصل أسرع؟ وايه اسهل ابليكشن فى الاستخدام؟

أوبرباص VS سويفل VS ميكروباص

Swvl VS Microbus VS Uber bus 

مين أوفر؟

الصبح كل المجاميع ركبوا من التحرير، اللي ركبوا أوبر باص و سويفل الباصات دخلتهم القرية الذكية، أما اللي أخدوا ميكروباص عادي فاضطروا ينزلوا سلم الصحراوي ويركبوا مواصلة تانية لغاية القرية. 

• أوبر باص:

                    - من ميدان التحرير للقرية الذكية:  اللي معهوش Offer دفع 35 جنيه

• سويفل:

                    - من ميدان التحرير للقرية الذكية:   اللي معهوش Offer دفع 36 جنيه

• الميكروباص:

                    - من ميدان موقف عبدالمنعم رياض للقرية الذكية:   7 جنيه للميكروباص لغاية سلم الصحراوي

• بعد كده كان قدمهم اختيارين، هما:

    3 جنيه ميكروباص تاني من موقف المحور لغاية باب القرية الذكية وبعده تاكسي بـ 10 جنيه لجوا القرية أو  30 جنيه أوبر أو  تاكسي من موقف المحور لغاية جوا القرية

باختصار الـ 3 تقريبا بيكلفوا زي بعض، محتاج بس تتابع الـ  Offers علي الأبلكيشن عشان تلاقي ارخص عروض، بالنسبة 

نظام الـ Offers على الأبلكيشن:

• سويفل بيعتلك Offer مختلف كل أسبوع على موبايلك لكذا Ride من أول ما بتعمل أكونت عليه.
• أوبر بيبعتلك الـ offers  كل فترة بالظبط زي الـ offers  بتاعت Uber و Uber X العادية، وأول Ride ليك بالباص بتبقي ببلاش حتى لو كنت بتستخدم الأبلكيشن مع الاختيارات التانية من زمان.

باختصار الـ 3 تقريبا بيكلفوا زي بعض، محتاج بس تتابع الـ  Offers علي الأبلكيشن عشان تلاقي ارخص عروض، بالنسبة للميكروباص العادي فـ مفيهوش أي ميزة من اللي في الابلكيشن.

مين أسهل؟

بالنسبة للابلكيشن فهما متشابهين جدا، بس في شوية اختلافات ما بينهم:

• الاتنين فيهم ميزة التوصيل بالـ GPS
• الـ 2 متشابهين فى ميزة أن الكابتن بيحطلك الباقي في محفظتك وإنك تقدر تحاسب بالكريديت كارد عادي.
• ولو عايز تعمل شكوي فـ الشركتين بيعتمدوا علي الـ customer service اللي بتحتاج تبعت لهم رسالة وتستني يردوا عليك بعد فترة، والتعامل مابينكم  بيبقي بالرسايل بس.
• Swvl عنده خدمة عربيات كتير، بتقدر تختار الحجز في عربية أو في أتوبيس في المواعيد اللي مفيش عليها ضغط

بالنسبة  للميكروباص فمش هيقدر يركبه غير اللي عايز يضحي بسلامة العربية قدام انه ضامن وجوده من غير حجز مسبق ورخص تذكرته من غير متابعة offers، ويعتبر أسهل في الحجز بسبب أن موقعه مش بيتغير.

مين أسرع؟

على غير المتوقع أتوبيسات الأبلكيشن بيوصلوا فى نفس التوقيت، إذا كان من ناحية وصولهم علشان الرحلة تبدأ أو توصليهم للزباين، والفرق مابينهم كان لا يذكر ما بين دقيقة لدقيقتين. بالنسبة للميكروباصات فأي وقت هتروح هتلاقي أكتر من واحد بيحمل، لكن ركوب أكتر من مواصلة بيضيع وقت كبير وبيأخرك عن الطرق التانية لمدة ممكن توصل لـ 20 دقيقة.

مين يكسب؟ هي مقالات التحدي بين تيم واحد قاعد بيجرب الابلكيشن اللي بنستخدمها فى حياتنا اليومية عشان يوصل لـ أوفرو أفضل خدمة، وكل التحديات عن تجربة حقيقية بالأسعار الحقيقية ، قام بيها تيم فايدتي عشان يفيدكم و يساعدكم توفروا كل يوم.