مين أوفر عجلة كايرو بايك ولا اسكوتر رابيتRabbit؟

تعرف ايه عن عجلة كايرو بايك cairo bike واسكوتر رابيت Rabbit؟ العالم كله حاليًا بيتجه لتخفيف زحمة المرور في الشوارع بطريقة ذكية زي مثلًا تشجيع الناس إنها ماتتحركش بعربياتها يوميًا وممكن يكون في طرق بديلة زي: المواصلات العامة أو إنك تتجمع مع مجموعة من صحابك في عربية واحدة.

كمان في حلول رياضية زي المشي لو المسافة تسمح بكدا أو ركوب الدراجات الهوائة (العجل) أو الاسكوتر الكهربائي، وفي الحالتين الموضوع بيكون مميز لأنك هتوفر وقت وفلوس كمان.

طيب لو معندش عجلة أو اسكوتر بتوعك هتعمل ايه؟ دا اللي حاليًا بقى متوفر دلوقتي بطريقة ذكية من خلال أبلكيشن تأجير.

لو معاك عجلة اعرف أكتر ازاي تستفاد منها من هنا: ازاى توفر وتستفيد بالعجلة بتاعتك!

دراجة القاهرة "كايرو بايك"

الدولة طرحت مبادرة، مؤخرًا، في القاهرة بتديلك فرصة تأجر عجل والساعة بجنيه وبداية تفعيل التطبيق للمستخدمين من يوليو 2022، ودا من خلال تطبيق على الموبايل أو كارت شحن مسبق الدفع، يدخل مشروع "كايرو بايك" حيز التنفيذ في محافظة القاهرة، منتصف يوليو المقبل.

عجل كايرو بايك هيكون موجود فين؟

عجل مشروع "كايرو "بايك هيكون متاح في وسط المدينة، وفكرته ببساطة إنه بيشجع على نشر استخدام الدراجات كوسيلة غير آلية بديلة للنقل بالعاصمة.

ايه الجديد في مشروع كايرو بايك؟

محافظة القاهرة هتكون ليها الريادة والأسبقية في تطبيق مشروع كايرو بايك باعتبارها المنظومة الأولى من نوعها في مصر نظرًا لأن التجارب السابقة كانت تقتصر على المجتمعات العمرانية المغلقة أو في نطاقات ضيقة أخرى.

اختيار مسمى (كايرو بايك) أو(دراجة القاهرة) خلال تشاورات قامت بها محافظة القاهرة مع المجتمع المدني ومجموعات ركوب الدراجات والمهتمين بالقضايا البيئية.

لو عاوز تشتري عجلة اعرف أكتر من هنا: ازاي تختار عجلة مناسبة ليك من ناحية المقاس والنوع!
 

نظام مشروع كايرو بايك

تم الانتهاء من تصميم المحطات والدراجات وتطبيق الموبايل "الابليكيشن" الخاص بمشروع  كايرو بايك حيث تعتمد فكرة منظومة مشاركة الدراجات على وجود شبكة كبيرة من النقاط اللي بتتوافر بها دراجات للاستخدام العام تدار بتطبيق على الموبايل وبأسعار منخفضة.

السعر هيبدأ من جنيه للساعة الواحدة أو من خلال كارت شحن مسبق الدفع وهو ما سيتم تنفيذه بمناطق وسط البلد وجاردن سيتي والزمالك كبداية بأسطول من 500 دراجة يتم تتبعها بالـGPS موزعين على 45 محطة في أماكن استراتيجية تتكامل مع محطات المترو وخطوط النقل العام، كما سيتم دراسة نشره في أماكن أخرى.

اسكوتر رابيت Rabbit

برضو من الحاجات المميزة اللي ظهرت الفترة الأخيرة "الاسكوتر" المنتشر في شوارع الزمالك وعليه علامة خضراء، وبيكون موجود على جدران مثلًا ومقفول بجنزير معدني.

وكل اللي بتعمله عشان تأجر الاسكوتر إنك تفتح موبايلك وتمرره على الـQr Code الموجود عليه لمسحه إلكترونيًا، من خلال Rabbit، ودي عبارة عن منصة ذات تقنية نظيفة للتنقل لمسافات قصيرة.

وبتسمح رابيت لمستخدميها باستئجار سكوتر كهربائي أو دراجة كهربائية لمسافات تتراوح بين كيلومتر واحد إلى 3 كيلومترات، بمتوسط ​​رحلة تستغرق من 12 إلى 13 دقيقة.

تعمل ايه علشان تستخدم الاسكوتر؟

كل اللي عليك إنك هتحمل التطبيق على موبايلك، واللي بيعرض لك بمجرد تحميله خيارين، أحدهما Unlock & Go، ودا بيُمكنك من تحديد موقع أقرب وسيلة متاحة باستخدام خرائط جوجل، ثم عمل مسح الاستجابة السريع QR Code وبدء الرحلة.

وف خيار تاني عبارة عن "الإيجارات اليومية"، ودا بيتيح للمستخدم طلب استئجار سيارة لمدة يومين على الأقل وحتى 30 يومًا، ويتسلمها المستخدم على باب منزله في أقل من 24 ساعة.

فتحة عداد الاسكوتر بكام؟ 6 جنيه

تسعير خدمة  "Unlock & Go" بـ6 جنيهات لإلغاء القفل أو ما يعرف بـ"فتحة العداد"، ثم يتم حساب 1 جنيه للدقيقة، وذلك بالنسبة للاسكوتر الإلكتروني، أما الدراجة الإلكترونية فجاءت تسعيرتها بـ8 جنيهات، و1.25 جنيه للدقيقة.

التطبيق متاح فين؟

تطبيق رابيت متاح حاليًا في القاهرة والجيزة والساحل الشمالي بالنسبة لخدمة الإيجارات اليومية، أما خدمة "Unlock & Go" فمتوافرة في الزمالك، ومنطقة سوديك العقارية، ونيو جيزة، وميفيدا، ومراسي.

تقدر تحمل تطبيق rabbit من هنا