أسعار الفطار والسحور الملكي في قصر القبة رمضان 2022

فطارك وسحورك في رمضان 2022 مختلف لو قررت تروح قصر القبة الرئاسي لأنه هيكون ملوكي، تجربة مختلفة ليك ولعيلتك وأصحابك وحبايبلك علشان تتجمعوا وتقضوا يوم للذكرى في مكان تاريخي زي قصر القبة.

الجديد في الفطار والسحور الملوكي إنه هيكون على أنغام التخت الشرقي والتنورة وستاند اب كوميدي وفقرات فنية متنوعة وحفلة لنجم كبير، فايدتي هتقولك على أسعار كل المنيو وتفاصيل تانية كتير.

تتسحر فين؟ اعرف من هنا: أرخص أماكن السحور اللي تناسب ميزانيتك في رمضان 2022

الفطار والسحور الملوكي في قصر القبة رمضان 2022

المكان مجهز وفي باركينج داخل القصر وفريق عمل كامل موجود عشان يلبي طلبات العملاء وكمان عنده القدرة لاستقبال المجموعات والشركات وليهم خصومات خاصة، لكن لازم يكون الحجز قبلها سواء للإفطار أو للسحور.

الفطار للفرد بكام؟

• تكلفة إفطار الفرد العادي في أيام الأسبوع تبلغ 635 جنيه.
• الـ VIP تبلغ 745 جنيه.
• الأسعار في أيام نهاية الأسبوع تكون بالنسبة للحجز العادي 720 جنيه.
• وحجز الـ VIP بسعر 835 جنيها للفرد الواحد.

شوف المنيو كله من هنا

الفرق بين الحجز العادي والـ vip

الشركة قالت إن في نوعين من الحجز العادي والـ vip، والفرق بينهما يكون في موقع الترابيزات ولكن بالنسبة لقائمة الطعام فلا يوجد أي تغيير بشأنها.

صور وتفاصيل أكتر شوفها من هنا

طريقة الحجز للفطار والسحور الملوكي

لو الحجز أقل من 12 فرد بيكون من خلال موقع  tickets marche، لكن لو كان أكبر من هذا الرقم يكون من خلال الشركة نفسها، ودا متاح طوال شهر رمضان 2022 لأول مرة في قصر القبة الرئاسي.

موقف الأطفال من الدخول

مسموح للأطفال فوق عمر 10 سنوات.

شركة لوزان ترافيل المنظمة

شركة لوزان ترافيل "lozan travel"، المتخصصة في القطاع السياحي بمختلف أنواعه، وضحت  حقيقة تنظيم حفلات إفطار وسحور خلال رمضان 2022 داخل جدران قصر القبة الملكي، وهي المسئولة مع شركاء تانيين على التنظيم.

أعلنت شركة لوزان ترافيل إن البوابات الداخلية لقصر القبة مغلقة ومقر القصر نفسه مش مفتوح للزيارة، وموجود متحفين للمركبات الملكية وللمقتنيات والزيارات موجودة في مختلف القصور وليس قصر القبة فقط.

اعرف أكتر عن خيم رمضان من هنا: تقضي ramadan nights فين وبكام؟ أشهر خيم رمضان 2022

الفطار والسحور حول النافورة

شركة لوزان ترافيل وضحت إن الفطار والسحور الملوكي في قصر القبة موجود حول النافورة الموجودة في حديقة القصر وليس داخل مقر القصر نفسه، والدخول من بوابة القصر رقم 1.

للحجز والاستعلام

لوكيشن المكان: قصر القبة  من هنا  

منيو وأسعار الفطار والسحور الملوكي في قصر القبة من هنا 

وللحجز من موقع تيكتس مارشيه من هنا

للاستعلام على الرقم: 16826

لأي أسئلة او استفسارات تانية من الرقم ده: 01210670000