إيه الفرق ما بين الفايدة الثابتة والفايدة المتناقصة؟
تاريخ النشر: 28 يوليو 2020 قاموس الفلوس
ازاي تعرف سعر الفايدة الأنسب ليك؟
الفايدة هي نسبة الزيادة اللي بتدفعها على المبلغ اللي أنت بتستلفه، بس في نوعين من الفايدة: الثابتة والمتناقصة، بس في نهاية الأمر، نسبة الزيادة على القرض بتبقى واحدة، لكن طريقة حساب الأقساط الشهرية هي اللي بتفرق.
الفايدة الثابتة
في الحالة دي، الأقساط الشهرية اللي أنت بتدفعها مش بتأثر على طريقة حساب الفايدة، لإن بيتم حساب الفايدة من الأول على المبلغ الأصلي للقرض، وبعد كدة بيتم تقسيمها على مدة القرض.
الفايدة المتناقصة
هنا بقى الفايدة بتتغير على حسب المبالغ اللي بتدفعها لتسديد القرض، وبيتم حساب الفايدة كل شهر على حسب المبلغ اللي باقي تسديده، وعشان كدة نسبة الفايدة بتبقى كبيرة في الأول، وبعد كدة بتقل تدريجياً.
في الفايدة المتناقصة: الفايدة بتتغير على حسب المبالغ اللي بتدفعها لتسديد القرض
مميزات الفايدة الثابتة:
- بتبقى عارف أنت هتدفع كام كل شهر لإن الأقساط لا يمكن تتغير.
- نسبة الفايدة على النوع ده من القروض ممكن تبقى أقل من نسبة الفايدة المتناقصة.
- بيبقى أفيدلك لو القرض قيمته صغيرة وهتسدده في مدة قصيرة.
- طريقة حساب إجمالي الفايدة المدفوعة: قيمة القرض * نسبة الفايدة * عدد السنين.
مميزات الفايدة المتناقصة:
- قيمة الفايدة المدفوعة بتقل كل ما بتسدد.
- طريقة حساب الفايدة في أول سنة: مبلغ القرض * نسبة الفايدة * 12 شهر.
- طريقة حساب الفايدة بعد أول سنة: (مبلغ القرض – المبلغ اللي تم تسديده) * نسبة الفايدة * 12 شهر.
تقدر تلاقي القرض الشخصي اللي محتاجه وتختار فايدته و تقدم عليه دلوقتى فى دقائق و ببلا ش من هنا.
