إيه الفرق ما بين دفتر توفير البريد وحساب التوفير البنكي؟

تفتح حساب في البنك ولا في البريد المصري؟ البنوك فيها أكتر من نوع للحساب البنكي، و حساب التوفير يعتبر أسهلهم بسبب طريقة فتحه واللي مفيهاش تعقيدات ولا تفاصيل كتير علشان تفهمه.

وده السبب اللي بيحطه فى مواجهة مع دفتر توفير البريد، اللي معظم الأبهات الجداد بيفضلوه لحسابات أولادهم اللي مكملوش من السن القانوني.

لو أنت من الناس اللي لسه محتارة بين دفتر التوفير وحساب التوفير يبقي الكلام دا مهم ليك علشان هيساعدك تختار الأحسن لك، اعرف عيوب ومميزات دفتر توفير البريد المصري والحساب البنكي.

دفتر توفير البريد:

مميزاته:

• الفايدة فيه سنوية بنسبة 10%، وهي أعلى من فايدة البنوك
• مفيش مبلغ محدد لفتح الحساب أول مرة
• تقدر تسحب من أي مكتب بريد مش لازم نفس اللي المكتب اللي فتحت فيه الحساب
• تقدر تطلب كشف حساب برسوم 20 جنيه

اعرف أكتر عن البريد المصري من هنا: تاريخ البريد المصري، من الرسايل والطوابع لخدمة UGOTBOX!

عيوبه:

• السحب فى الفروع بس، لأن مفيش  ATM Machine 
• متقدرش تسحب مبلغ كبير في نفس اليوم، لكن بتبلغ قبلها بيومين على الأقل
   

الفايدة في حساب توفير البريد سنوية بنسبة 10%، وهي أعلى من فايدة البنوك

حساب التوفير البنكي:

مميزاته:

• السحب من اي فرع أو من خلال الـ ATM Machine
• فى تعاملات مصرفية يومية
• تقدر تسحب يوميا، والسحب بيوصل ل 10 آلاف جنيه
• الفايدة فيه شهرية وفى فايدة تانية سنوية بنسبة أقل

اعرف أكتر: قاموس المصطلحات البنكية اللي محتاج تفهمها (الجزء الأول)

عيوبه:

•  أقل مبلغ علشان تفتح الحساب اول مرة، هو 100 جنيه
• نسبة الفايدة فيه أقل من البريد

اعرف أكتر عن الخدمات البنكية المختلفة من هنا