إيه هي نسبة عبء الدين الـ DBR على المنتجات البنكية؟

مش أي حد هيروح يقدم على منتج بنكي للإقراض، زي بطاقات الإئتمان والقروض بأنواعها، هيتوافق عليه، وفي أسباب كتير تخليك مش مؤهل للمنتج اللي بتقدم عليه، بعضها مشترك بين البنوك، وبعضها مختلف. من الأسباب الرئيسية لرفض طلبك، نسبة عبء الدين، وهي:

الالتزامات الشهرية المالية
 

ببساطة هي مقدار الالتزامات الشهرية المالية اللي عندك للبنوك والمؤسسات المالية مقسوما على إجمالي دخلك، يعني الأقساط اللي عليك من قروض وكريدت كارد بتشكل نسبة كام في المية من دخلك الكلي، والحسبة هي:

الحسبة دي هتسهلك الدنيا 

 (الحد الائتماني الحالي للكريدت كارد x  ٥% + أقساط البنوك + الأقساط للمؤسسات المالية التانية (لو موجودة) )

مقسوم على (صافي الدخل الشهري(المرتب) + إجمالي الدخل الشهري الباقي)

توحيد نسبة عبء الدين على المنتجات البنكية دي 

البنك المركزي في 2019 وحد نسبة عبء الدين على الكريدت كارد والقرض الشخصي وقرض العربية كمان، ووصلها لـ 50% من المرتب الشهري

أما بالنسبة للتمويل العقاري أو قرض المنازل فـ النسبة فضلت زي ما هي 40%، والهدف من كده أن البنك المركزي عايز يحسن مؤشرات الاقتصاد فى مصر.

نسبة عبء الدين هى مقدار الالتزامات الشهرية المالية اللي عندك للبنوك والمؤسسات المالية مقسوما على إجمالي دخلك، يعني الأقساط اللي عليك من قروض وكريدت كارد بتشكل نسبة كام في المية من دخلك الكلي

من النقط المهمة اللي بتأثر على قبول أو رفض طلبك على منتج بنكي الـ I-Score

إيه هو الـ I- Score؟

الـ I-score هو تقرير عن طريقة تعاملك مع الديون، وبيبين إن كنت شخص قادر على تسديد ديونك في وقت مناسب من غير مشاكل أو غرامات، وده اللي بتبص عليه البنوك أو أي شركة بتوفر خدمات ائتمانية لما أنت بتيجي تقدم على قرض أو خدمة ائتمانية عشان تقرر إن كانت تديهولك أو لا، ولو كان التقرير مش في صالحك، فهو كدة بيقول للهيئة اللي أنت رايح لها، خلى بالك الشخص ده مش محل ثقة، وممكن يرفضوا طلبك، أو يعلو سعر الفايدة عليك.

وممكن تعرف عنه أكتر من هنا، يعني إيه I-score؟