ازاي أكسب وأسحب فلوس من تيك توك tik tok؟

اعرف أكتر عن تطبيق تيك توك TikTok، وايه هي العملات الخاصة بالتيك توك وازاي تكسب أصلًا وهنجاوبك على سؤالك كيف اسحب فلوس من التيك توك، وعمولات تيك توك قد ايه ومعلومات تانية كتير هتعرفها في المقال دا.

ايه هو تيك توك tik tok؟

• هو عبارة عن تطبيق لمشاركة فيديوهات مشهورة جدًا في فترة زمنية قصيرة، ومدتها بتكون من 3 ثواني لـ 3 دقايق.
• وتقدر تكسب فلوس من تيك توك بكذا طريقة هنقولك عليها.
• هنقولك كمان على ازاي تسحب فلوس من التيك توك.

لتحميل تطبيق تيك توك tik tok دوس هنا

ايه هي العملات في تطبيق tik tok؟

العملة اللي بيقدمها أبلكيشن تيك توك عبارة عن عملة افتراضية من خلالها بيقدر المتابع إنه يدفعها للي بيتابعهم تقديرًا ليهم والجهود اللي بيعملوها.

وتم ربط العملات المعدنية دي بحساب الشخص اللي بيمكنه تحويل العملات الافتراضية دي إلى عملات معدنية حقيقية عن طريق سحبها.

طرق ربح الفلوس من TikTok 

الربح من البث المباشر: واللي فيه بيتم الدفع للمتابعين ببساطة عند تشغيل البث المباشر على الإنترنت (بس خليك فاكر أنت في الطريقة دي أنت محتاج عدد كبير من المتابعين).

جذب المتابعين: وهنا لازم تنشر مقاطع فيديو ليها محتوى متميز، ودا بيساعدك في جذب العديد من المتابعين.

التسويق بالعمولة: وهنا تقدر تكسب فلوس من تيك توك لما تعرض المنتجات والخدمات المختلفة وتكسب عمولتك، وكل اللي بتعمله إنك بتعرض منتجات شركة وبتغري المتابعين إنهم يشتروها، (وتقدر تعلن عن طريق إنك تتكلم عن مميزات المنتج بشكل مباشر أو إنك تحط المنتج في مقطع فيديو بطريقة غير مباشرة).

المكافآت: ودي من المميزات اللي موجودة حاليًا في تيك توك tik tok بس مش في كل البلاد، ومن خلالها تقدر تحصل على مكافآت لما تشارك التطبيق مع أشخاص ما استخدموش التيك توك قبل كدا أو من خلال مشاهدة مقاطع الفيديو (وخلي بالك الربح بيتناسب مع طول الفيديو).

عوامل تساعدك تكسب فلوس أكتر في التيك توك

انتشار المحتوى: خلي بالك لو عاوز تكسب فلوس من تيك توك يبقى لازم تهتم بانتشار المحتوى وكل ما هتزيد شعبية الفيديو كل ما هتزيد أرباحك.

طول الفيديو: "فايدتي" بتقولك إنه من الأفضل تكون مقاطع الفيديو قصيرة وملفتة لأن المقاطع الطويلة مش بتكون أفضل حاجة للمتابع، وكمان بتقلل من سرعة انتشار الفيديو.

عدد مرات الإعجاب والقلوب: كل ما العدد هيزيد، هيتم ترشيح المحتوى بتاعك لأشخاص تانيين وهينتشر على نطاق أوسع، ودا بيخلي أصحاب العلامات التجارية يجولك علشان تروج لهم عن المنتجات بتاعتهم.

اعرف تفاصيل أكتر من هنا: ازاي بـ 4 خطوات تكسب فلوس من فيديوهات تيك توك TikTok!

كيف اسحب فلوس من التيك توك TikTok ؟

• يا إما من خلال PayPal  أو حساب بنكي.
• لكن خلي بالك الحد الأدنى لمبلغ السحب بيختلف باختلاف الطريقة.
• وكل اللي عليك إنك تعمله إن تختار "رصيد الحساب" وبعدين "سحب الأموال" وبعدها تختار طريقة السحب المناسبة ليك "سحب الفلوس من تيك توك".

ايه الفرق بين PayPal والحساب البنكي؟

حساب PayPal:

• هو بنك إلكتروني يتيح عملية سحب الأرباح من التيك توك tik tok إليه، وبعد كدا يمكن تحويلها إلى بطاقتك.
• الحد الأدنى لمبلغ السحب باستخدام PayPal هو 50 دولار.

للدخول على باي بال من هنا

الحساب البنكي: 

• يتم سحب الحد الأدنى للربح البالغ 30 دولار إلى الحساب البنكي للمستخدم.
• وعلشان تفعل سحب الفلوس من تيك توك بالحساب البنكي لازم تدخل رمز خاص يصل إلى رقم الهاتف المرتبط بحسابك البنكي.
• كمان لازم تنتبه إلى إدخال هذا الرمز باللغة الإنجليزية بس.
• بعد ما تخلص الخطوة دي دوس على زرار"ربط الحساب"، ودخل المعلومات المطلوبة، وبعدها دوس على زرار "تم".

اعرف من هنا ازاي تفتح حساب في البنك: إزاي تفتح حساب في البنك؟

ازاي تربط حساب باي بال PayPal بحساب tik tok؟

• كل اللي عليك إنك هتعمل حساب PayPal للمستخدمين وحساب TikTok، ولكن في البداية اتأكد من إن اسم حساب PayPal يطابق اسم الحساب في التيك توك.
• ولو الاتنين مش نفس الاسم ممكن تحصل عطلة وأنت بتسحب فلوسك من تيك توك.
• انسخ الرابط إلى الحساب الخاص في PayPal ثم تسجيل الدخول إلى حساب TikTok

طريقة استخدام باي بال

• في البداية خالص هتفتح تطبيق باي بال وتسجل وتدخل البيانات المطلوبة وبعدين هتدوس على الإعدادت (هتلاقيها فوق على اليمين).
• بالنسبة للرابط الخاص في حساب المستخدم هتلاقيه موجود تحت صورتك الشخصية.. انسخ الرابط.
• هتدخل بعدها على تيك توك TikTok من موبايلك وتدخل على الملف الشخصي وهتدخل على الإعدادات هتلاقي علامة التبويب الخاصة فوق على اليمين هتدوس على النقط التلاتة وتضغط على زرار التوازن Balance..
• هنا هيظهر المستخدم أمام كمية العملات اللي بيمتلكها في حسابه، وتقدر تدوس على زرار الهدايا الخاصة، و بعدها زر السحب، ما يسمى withdraw.
• وتقدر تختار المبلغ اللي عاوز تصرفه زي ما تحب.
• وماتنساش تدوس على زرار PayPal الموجود في قائمة حساب السحب. يجب إضافة البريد الإلكتروني المرتبط بحساب PayPal
• وتطبيق تيك توك هيطلب منك حساب المعرف الخاص في باي بال، وفي الحالة دي هيقوم المستخدم بلصق رابط PayPal اللي قام بنسخه قبل كدا.

ايه هو الحد الأدنى لسحب فلوس من تيك توك؟

• تطبيق TikTok بيسمحلك بسحب الأموال بحد أدنى 50 دولار.
• هناك أيضًا حد معين لعمليات السحب اليومية، وهو 1000 دولار يوميًا.

عمولة تيك توك قد ايه؟

• تيك توك نفسه كتطبيق مش بياخد عمولة على عمليات سحب المال أو الارباح، لكن موقع PayPal الخاص بالمستخدم قد يأخذ بعض العملات، اعتمادًا على مكان وجود العميل (البلد).
• عملية السحب بتستغرق 15 يوم على الأقل للظهور في حسابات PayPal للمستخدمين والحد الأقصى لمبلغ الأموال لتظهر في حساب PayPal هو 21 يوم.

ازاي تفعل حسابك المصرفي لسحب الفلوس من تيك توك؟

علشان نجاوبلك على سؤالك: كيف اسحب فلوس من التيك توك ومعي حساب مصرفي يبقى لازم تربط الحساب المصرفي بالتيك توك ود المعلومات اللي هتحتاجها:

• سويفت كود SWIFT code المصرف.
• رقم الحساب الدولي في البنك.
• الاسم و اللقب.
• العنوان: باستخدام الرمز البريدي للبلد والمنطقة.
• رقم الموبايل.

لو عاوز تعرف ازاي تجيب سويفت كود للبنك بتاعك من هنا: هل في فرق بين SWIFT وBIC و IBAN للبنك؟