اهدي الغالي عليك هدية مفيدة، شهادة استثمار أو تأمين!

ايه أحسن من هدية مفيدة محتاجها فعلًا اللي بتهاديه! عشان كده هنقولك على 3 أفكار لهدايا مفيدة ماليًا للقريبين منك!

1-   اشتري شهادة استثمار لأطفالك

شهادات الاستثمار من المنتجات البنكية لحفظ اللفلوس وبتقدمها معظم البنوك، وهي عبارة عن إنك بتعمل إيداع لمبلغ معين في البنك لفترة محددة والبنك بيدفع لك فايدة بسعر متفق عليه.

تقدر تقدم على شهادة الاستثمار من خلال الاتصال بمركز خدمة العملاء في البنك اللي بتتعامل معاه أو إنك تزور واحد من فروعه، وبتحتاج هناك تملي نموذجين، واحد اسمه KYC، "نموذج اعرف عميلك"، والتاني النموذج العادي لفتح الحساب البنكي. وخليك دايما متأكد ان شهادة البنك هي استثمار على المدى البعيد.

من الهدايا المميزة جدًا إنك تشتري شهادة استثمار لأطفالك عشان تعلمهم ازاي التحويش بينفع وفى نفس الوقت هتفيدهم قدام.

قارن مابين ‌شهادات‌ ‌الاستثمار‌ فى البنوك المختلفة على موقع فايدتي.
 

أمن للغالي عليك

2- التأمين ضد الحوادث الشخصية

اهدي الغالي عليك تأمين ضد الحوادث الشخصية بيحميه ضد الحوادث في أي مكان داخل مصر في حالة وقوع إصابة تحتاج إلى المصاريف الطبية.

•   العجز الجزئي المستديم.

•   العجز الكلي المستديم.

•   العجز الكلي المؤقت لمدة محددة (تمنح دفعات أسبوعية).

•   الوفاة.

احصل على تأمين ضد الحوادث الشخصية من خلال فايدتي دلوقتي ومن مكانك!

من أمثلة الحوادث الشخصية حادث سير وحريق

أمثلة على الحوادث الشخصية:

•   حادث سير.

•   حادث حريق.

•   أي كسر ناتج عن حادث.

3- التأمين على الحياة والادخار 

النوع ده بيشبه التأمين على الحياة فقط بس مدة التأمين بتبقى أطول شوية 20 أو 30 سنة والقسط هنا بيكون أعلى لأنه أشبه بالشهادة اللي بتحوش فيها، بمعنى إن لو المؤمن عليه اتوفي خلال المدة اللي اتفق عليها مع شركة التأمين، المستفيدين من البوليصة بياخدوا المبلغ التأميني، ولو البوليصة خلصت في حياته، هو اللي بياخد المبلغ، وبيعتبر زي معاش تاني ليه.

اعرف أكتر عن أنواع التأمين من هنا، التأمين على الممتلكات ولا على الحياة، تختار إيه!
 

4- اشتري بطاقة مشتريات من محل

ممكن تجيب قسيمة مشتريات من محلات وتهادي بيها الغاليين عليك في اليوم ده زي مثلًا: H&M – Zara، وده خيار أفضل من إنك تشتري حاجة من محل والشخص اللي هتديها له مش محتاجها أصلًا فالكارت طريقة أفضل وهو يشتري اللي محتاجه.