ايه هو الكارت المدفوع مقدما Prepaid card ؟

فى ناس بتنبسط لما تلاقي محفظتها مليانة بـ كروت كتيرة  زي:  البطاقات البنكية، كارت التأمين الصحي، كارنيه النادي أو حتى كارنيه الجيم!

وعلشان محفظتك تبقى كاملة من مجاميعه، يبقى لازم تزود عليهم الـ Prepaid card 

طيب ايه هو الكارت المدفوع مقدما أو الـ Prepaid card ؟

هو واحد من أسهل البطاقات اللى ممكن تطلعها من البنك، كل اللى محتاج تعمله انك تروح البنك ببطاقتك الشخصية وتقدم على طلب الكارت المدفوع مقدما، وميزته أنه مش بيتربط بأي نوع من الحسابات البنكية، كل اللي بتعملها انك بتفعله وبتعمل إيداع للفلوس فى الـ ATM أو في أقرب فرع للبنك اللى مطلعه منه.

خصائص الكارت المدفوع مقدما:

1- رسوم اصدار الـ Prepaid card بتختلف بين البنوك، بس مش بتزيد عن 25 جنيه

2- الحد الأدنى للمبلغ اللى هتصرفه فى اليوم بيختلف من بنك لبنك وتقدر تعرفه من خدمة العملاء أو الموقع الإلكتروني للبنك

3- تقدر تستخدمه في أي مكان فيه مكن POS، أو في التعاملات الأونلاين، وممكن كمان تربطه بحساب الـ PayPal

4- أغلب الكروت دي بتطلع تحت اسم "بطاقة انترنت"

ميزة هو أشهر أنواع الكروت دي في مصر

مميزات الكارت المدفوع مقدما:

1- اّمن جدا!

أنك تمشي بفلوس كثيرة على طول، ده أكيد مش أمان ليك، والأحسن أن يبقى معاك الـ Prepaid card، وتكون حاطط فيها الفلوس اللى محتاجها، وعشان كمان لو المحفظ’ اتسرقت، هتقدر تحافظ على الكارت لما تبلغ البنك وتوقف أي معاملة من خلاله.

2- امسك ايدك شوية!

البطاقة المدفوعة مقدما هتساعدك تتحكم فى مصاريفك أكتر لأن قبل ما تصرف هتبقى عارف حدودك علي حسب المبلغ اللي في الكارت.

3- البطاقة دي مناسبة ليك!

أكتر حاجة بتميزها، أنها متاحة لأي حد سنه أكتر من 18 ومفيش اي التزامات عليك. وكمان مناسبة جدا لو بتحب تعمل أونلاين شوبينج  أو لو فكرت تسافر، لانها موجودة فى العالم كله وفي أي محل عنده POS.

أنواع الكروت المدفوعة مقدما:

في أكتر من نوع للكروت المدفوعة مقدما، زي:

• ميزة، هو أشهر أنواع الكروت دي في مصر، ويعتبر أول كارت مدفوع مقدما ذكي محلي، وتاريخ صلاحيته سنتين، وهتلاقيه فى 24 بنك.
• فيزا EasyPay مسبقة الدفع من البريد المصري
• بطاقة الدفع من البنك الأهلي، Mastercard
• بطاقة فيزا كريدي أجريكول فيزا المدفوعة مسبقاً
• بطاقة فيزا 4U للانترنت من البنك العربي الأفريقي

وممكن تعرف أكتر عن ميزة وفيزا وماستر كارد من هنا ، إيه الفرق بين فيزا وماستر كارد وميزة؟