ايه هي خطوات وتكلفة استبدال عداد الكهرباء؟
تاريخ النشر: 03 يوليو 2022 قاموس الفلوس
ايه هي مميزات عداد الكهرباء الإلكتروني؟
ايه هي الخطوات والإجراءات اللي لازم تعملها علشان تستبدل عداد الكهرباء القديم بالجديد اللي هو مسبوق الدفع، وبيطلق عليه العداد الإلكتروني أو عداد الكارت، وهنقولك كمان تشتري الكارت ازاي وبكام؟
ببساطة تقدر تستبدل العداد القديم بعداد كهرباء إلكتروني جديد بمجرد ما بتروح لإحدى شركات توزيع الكهرباء القريبة من محل السكن أو الإقامة، أو التقدم بطلب إلكتروني لفحص أو تغيير العداد.
اقرأ كمان: فواتير الكهرباء هتزيد في يوليو: اعرف الأسعار الجديدة
الرسوم بكام؟
شركات توزيع الكهرباء بتوفر في جميع قطاعاتها، عدادات يتم تحديثها وتطويرها لتواكب الخدمات الجديدة، من حيث نظام العداد أو كارت الشحن.
- ويقوم المشترك بسداد 195 جنيهًا رسوم خاصة بطلب الفحص أو استبدال العداد بأخر جديد، والحصول على كارت جديد
- وتقدر تشحن عداد الكهرباء أيضا بمبلغ 100 جنيه.
ايه هي خطوات استبدال عداد الكهرباء؟
- هتروح لفرع الكهرباء التابع ليك، وتملى نموذج طلب فحص استيفاء لكل بياناته.
- هتجيب معاك صورة البطاقة الشخصية.
- هتعمل إجراءات تصفية الحساب وتسوية، ولو كان عليك تراكمات مالية للشركة لم يسبق سدادها، وذلك قبل إجراءات رفع العداد وفحصه في المعامل.
- كل اللي هيعمله المشترك إنه هيسدد رسوم فحص العداد بقيمة 40 جنيهًا للعداد أحادي الوجه، و80 جنيهًا للعداد الثلاثي.
- فحص العداد خلال 3 أيام من تاريخ الاستلام من المشترك.
اعمل الخطوات دي ووفر في فاتورة الكهرباء: ازاى توفر في فاتورة الكهرباء؟
ايه هي مميزات العداد مسبوق الدفع؟
- هتتحكم في استهلاكك من خلال إنك هتشوف أول بأول معدل الاستهلاك والرصيد المتبقي، بعداد الكهرباء مسبوق الدفع.
- ترشيد الاستهلاك، لأن العداد الكهرباء بيمكن المستهلك إنه يعرف رصيده، وبالتالي يقدر يخفض استهلاكه.
- يقضي العداد مسبوق الدفع "الإلكتروني" بشكل نهائي على أخطاء فواتير الاستهلاك الخاطئة.
- سهل الشحن، من خلال خدمات الدفع الإلكتروني، وأسعاره نفس أسعار شرائح الكهرباء المعلنة.
- وزارة الكهرباء بتحصل على مستحقاتها مقدمًا قبل الاستهلاك، من خلال شحن العداد برصيد.
- مفيش أي تدخل بششري في عملية المحاسبة على استهلاك الكهرباء.
