ايه هي منصة Nexta الخاصة بالخدمات البنكية؟

ايه هي منصة نيكستا Nexta اللي البنك المركزي المصري وافق بشكل مبدئي على انطلاقها عشان تقدم خدمات الجيل الجديد من الخدمات المصرفية المختلفة؟، المنصة نجحت بالفعل في إنها تحصل على تمويل وصل لـ 2.2 مليون دولار أمريكي في مرحلة ما قبل التأسيس.

واللي ساعد المنصة دي في بداية التأسيس كان صندوق Distruptech Ventures ، وبمشاركة مستثمرين دوليين تانيين، وخلال الفترة الجاية من المنتظر هيتم إطلاق منصة الخدمات المالية رسميًا، اللي أسسNexta  للتكنولوجيا المالية ومقرها مصر، إبراهيم فرج وأحمد هشام في عام 2021.

اعرف أكتر عن المصطلحات البنكية من هنا: قاموس المصطلحات البنكية اللي محتاج تفهمها (الجزء الأول)

Nexta الناشئة بتطمح إنها تقود السوق في النوعية دي من الخدمات 

معلومات عن منصة Nexta

منصة Nexta عملت شراكة مع Visa ، ودي طبعًا شركة معروفة عالميًا متخصصة في مجال المدفوعات الرقمية، وتأمين شراكة استراتيجية مع أحد أكبر البنوك الحكومية في مصر وإفريقيا.

منصة Nexta الناشئة بتطمح إنها تقود السوق في النوعية دي من الخدمات بحيث يبقى سوق تنافسي وصحي، وكمان تقدم خدماتها بطريقة سهلة وفعالة.

مميزات بطاقة Nexta

من مميزات بطاقة Nexta إنها بتقدم بطاقات الدفع الحالية للمستخدمين، وتسمح بتحويل الأموال بسهولة ويسر، بالإضافة إلى مميزات كتير جاية هيتم الإعلان عليها.

Nextaقالت إنها عاوزة تعيد تعريف معنى تجربة العميل لكل المواطنين الرقمين وأسرهم في كل أنحاء مصر بطريقة سهلة وكان فعالة كل دا عن طريق تقديم "الجيل القادم من الخدمات المصرفية".

والهدف الرئيسي ضمان حياة يومية أسهل للمصريين من خلال توفير ما يُعرف باسم "الخدمات المصرفية العصرية".

تعرف ايه عن الكريديت كارد؟ اعرف أكتر من هنا: 10 أسرار للكريدت كارد البنك مش هيقول لك عليها