تعرف إيه عن الـ IBAN وإيه الفرق ما بينه وبين رقم الحساب!

الـ IBAN/ الايبان هو نظام دولي بدأت تستخدمه البنوك المصرية بعد قرار البنك المركزي في شهر يونيو 2020، ومن بعده عملت كل البنوك ورش عمل للموظفين لتطبيق النظام الجديد الـ IBAN أو رقم الحساب المصرفي الدولي، والهدف من الرقم ده انه بيسهل عملية التحويلات البنكية من غير تدخل العنصر البشري. 

فـ الايبان افضل من رقم الحساب البنكي وقت تحويل الفلوس لأنه بيديلك إمكانية التحقق من صحة رقم حساب المستفيد من الحوالة قبل ما تدفع مهما كان البنك اللي فيه الشخص ده. 

وبكده هيديلك الفرصة تتأكد من وصول الحوالات للحساب المطلوب من غير أي أخطاء، كمان نظام الايبان بيمنع الوقوع في عمليات التحويل المرفوضة من المصارف اللي فيها حساب المستفيد من الحوالات، وده هيزود من كفاءة عمليات التحويلات المالية الاونلاين.

طيب ايه الفرق بين الـ IBAN ورقم الحساب البنكي؟

الايبان بيتكون من 34 حرف كحد أقصى، و منظمين بشكل معين زي:

• أرقام تمثل البلد الأصلي للبنك اللي فيه الحساب.
• رقمين هما مفتاح التحكم.
• بحد أقصى 30 رقم بيحددوا البنك ورقم الحساب العادي.

أما رقم الحساب البنكي يتكون من 10 إلى 15 رقمًا يحتوي على رقم البنك، وتبدأ بـ أربع أرقام بيمثلوا رمز البلد ورمز التحقق وأي شيء بتثبت صحة الحساب، أما باقي الأرقام فـ معروفة بـرقم الحساب المصرفي.

الهدف من الرقم ده انه بيسهل عملية التحويلات البنكية من غير تدخل العنصر البشري.

استخدامات الايبان

• تحويل الفلوس محلياً ودولياً
• استقبال الحوالات محلياً ودولياً

ازاي تعرف الايبان الخاص بيك؟

فيه طريقتين تقدر تحصل بيهم على الايبان:

1- اونلاين عن طريق حسابك على موقع البنك.

2- عن طريق أقرب فرع للبنك.

3- عن طريق الكول سنتر الخاص بالبنك.

4- لو عندك أي كشف حساب بنكي جديد هتلاقي مكتوب فيه الايبان الخاص بيك.