تنسيق ومصاريف وطريقة التقديم في الجامعات الأهلية 2022/2023

"جيل جديد من الجامعات الذكية" تحت المسمى دا تم إنشاء عدد من الجامعات الأهلية في مصر لكن يا ترى ايه الفرق بينها وبين الجامعات الخاصة وموجودة فين بالظبط؟ وأسعار الجامعات الأهلية ايه؟ وطريقة التقديم والتنسيق في الجامعة الأهلية، مع فايدتي هتلم الموضوع.

اعرف أكتر عن مصاريف الجامعات الخاصة من هنا: مصاريف الجامعات الخاصة 2022/2023: الكليات وشروط التقديم

الجامعات الأهلية في مصر 2022/2023

ايه هي فكرة الجامعات الأهلية؟

• الجامعات الأهلية بتهدف إلى المنافسة العالمية في مجال العلوم والتكنولوجيا وتنمية الثقافة.
• الحفاظ على الهوية المصرية.
• تعزيز الروابط مع الدول العربية والأفريقية.
• وكل دا يتم من خلال تقديم تعليم عالي يدعم الابتكار ويخلق جيل قادر على الريادة إقليميًا وعالميًا.

ايه الفرق بين الجامعات الأهلية والجامعات الخاصة؟

• الجامعات الأهلية غير هادفة للربح، وبتعتبر جامعات تابعة للحكومة، والمصروفات اللي بيتم دفعها من الطلاب رمزية بعض الشيء، حتى يتم سداد رواتب العاملين.
• أما الجامعات الخاصة: هي جامعات هدفها تطوير برامج التعليم وبتخضع لإشراف مجلس الأمناء، فهي شبه حكومية.

الفرق في التنسيق بين الجامعات الخاصة والجامعات الأهلية

• الجامعات الأهلية تخضع لمعدل التنسيق الحكومي
• الجامعات الخاصة لا تخضع لمعدل التنسيق الحكومي، وليها قانون خاص والطالب من حقه اختيار مجاله وعنده حرية أكبر داخل الجامعات الخاصة مقارنة بالأهلية.

الجامعات الأهلية في مصر فين بالظبط؟

• جامعة أسيوط الأهلية.
• جامعة الإسكندرية الأهلية.
• جامعة الإسماعيلية الجديدة الأهلية.
• جامعة الجلالة.
• جامعة العلمين الدولية.
• جامعة الملك سلمان الدولية.
• جامعة المنصورة الأهلية.
• جامعة المنصورة الجديدة.
• جامعة المنيا الأهلية.
• جامعة بنها الأهلية.
• جامعة بني سويف الأهلية.
• جامعة بورسعيد الأهلية.
• جامعة حلوان الأهلية.

كل الأسئلة اللي بتدور في دماغك عن الجامعات الأهلية هتلاقي إجاباتها هنا

ايه هي مميزات الجامعات الأهلية؟

• تقبل بحد أدنى أقل من الجامعات الحكومية.
• الحكومة بتدعم المصروفات الدراسية للطلاب.
• الحد الأدنى للقبول بالجامعات الأهلية السنة اللي فاتت وصل لحوالي 55%.

اعرف كمان: كليات العاصمة الإدارية الجديدة 2022/2023 والمصاريف

تنسيق وشروط الجامعات الأهلية 2022/2023

من شروط الالتحاق بالجامعات الأهلية إن الطالب يجتاز اختبارات القبول اللي تم إعلان تفاصيلها من خلال وزارة التعليم العالي والبحث العلمي.

وخلي بالك إن اختبارات القبول بالجامعات الأهلية بتشكل فرصة إضافية للطالب، وبتساهم بنسبة 30% من مجموعه الاعتباري، في حين تمثل درجته اللي حصل عليها في الثانوية العامة أو ما يُعادلها 70 % من المجموع الاعتباري الذي يتم ترشيحه بناء عليه.

تنسيق الجامعات الأهلية 2023 بيقبل الحاصلين على الدبلومات الفنية، والدبلومات الفنية المتقدمة، والدبلومات المتوسطة في بعض البرامج الجامعات طبقا لقواعد قبول حاملي الدبلومات بالجامعات المصرية.

كمان الطلاب العرب والأجانب بيتم قبولهم من غير المصريين للتقدم مباشرة بتنسيق الجامعات الأهلية 2023 أو عبر بوابة الطلبة الوافدين.

ازاي تقدم في الجامعات الأهلية؟

من خلال الموقع الإلكتروني لتنسيق الجامعات الأهلية واللي بيقدم عدد من الخدمات، ويحتوي على فيديوهات وشرح، ونماذج اختبارات بهدف تدريب المتقدم عليها.

الموقع دا بيعمل تنسيق الجامعات الأهلية للطالب وبيتيح له إدخال 20 رغبة مختلفة، يمكن إدخال تعديلات عليها أو إعادة ترتيبها أو الحذف ، قبل إنهائها وإرسالها لمكتب تنسيق الجامعات الأهلية ، ليبدأ بعد ذلك تحديد مكان ومع اختبار الطالب

رابط الموقع الإلكتروني تنسيق الجامعات الأهلية للحصول على معلومات إضافية من هنا

مصاريف الجامعات الأهلية 2022/2023

• كلية الطب والجراحة: مصروفاتها السنوية 105 آلاف جنيه.
• كلية العلاج الطبيعي: المصروفات السنوية 63 ألف جنيه.
• كلية العلوم الإدارية: مصروفاتها السنوية 46 ألف جنيه سنويًا.
• كلية العلوم الأساسية المتقدمة: مصروفاتها 48 ألف جنيه
• كلية العلوم الإنسانية والاجتماعية: مصروفاتها 43 ألف جنيه.
• كلية العلوم الصحية: مصروفاتها 39 ألف جنيه
• كلية العلوم الصيدلية: مصروفاتها 85 ألف جنيه.
• كلية اللغات التطبيقية: المصروفات السنوية 43 ألف جنيه.
• كلية سياحة وفنادق: مصاريف سنوية 40 ألف جنيه.
• كلية طب الأسنان: مصروفات سنوية 97 ألف جنيه
• كلية علوم التمريض: مصروفاتها 31 ألف جنيه.
• كلية علوم الحاسب الآلي: مصروفاتها 69 ألف جنيه.
• كلية هندسة الحاسب: مصروفاتها السنوية 69 ألف جنيه.

رابط نتيجة تنسيق الجامعات الأهلية 2022

دلوقتي تقدر تحصل على نتيجة تنسيق الجامعات الأهلية 2022، وذلك عن طريق موقع مكتب التنسيق الإلكتروني أول أما يتم اعتمادها مباشرة من وزير التعليم العالي، ادخل على الرابط دا من هنا