طرق تاخد بيها قروض شخصية من البنوك بأقل ورق ممكن!

تقدر تاخد قرض شخصي من بنوك كتير بضمان البطاقة الشخصية بس وإيصال المرافق بمنتهى السهولة، وبمجرد ما بيشوفوا الـ I-Score الخاص بيك، والطرق دي زي:

 اعرف اكتر عن الـ I-Score من هنا، يعني إيه I-Score, وتأثيره على علاقاتك بالمنتجات البنكية!

1-   قرض السيارة بصورة البطاقة

بنوك كتير بتقدم قرض السيارة للمصريين، والحد الأدنى لعمر المتقدم 21 سنة، أما بالنسبة للأوراق المطلوبة فبسيطة خالص:

·       صورة واضحة وسارية من بطاقة الرقم القومي للمصريين.

·       إيصال مرافق جديد لعنوان السكن الحالي.

·      هتقدم عرض سعر من المعرض اللي هتشتري منه العربية.

·       هتقدم استمارة طلب شراء كاملة بالبيانات المطلوبة.

·       ممكن يتطلب منك إثبات مصدر دخل في بعض الوظايف.

ازاي تحصل على قرض السيارة؟

بعد ما هتسلم المستندات المطلوبة للبنك هيتم التواصل معاك لو اتوافق على القرض، وبعدها هتروح فرع البنك علشان توقع العقود والشيكات وإيداع الدفعة المقدمة، وخلي بالك البنوك بتمول 80% من السيارة.
 

قارن بين قروض السيارات المختلفة على موقع فايدتي قبل ما اتقدم من مكانك! 

2-   قرض بضمان شهادة

ومن مميزات القرض الشخصي اللي من النوع دا إن فترة السداد ممكن توصل لـ 10 سنوات في بعض البنوك، على سبيل المثال إنك تكتب إقرار إنك موافق إن الشهادة تتجدد تلقائيًا بعد انتهاء المدة، وبتقدر تاخد لغاية 95% من قيمة الشهادة في بعض البنوك.

وسعر الفايدة بيكون 2% فوق سعر الشهادة في معظم البنوك ولكن طبعًا في بنوك بتزود أكتر.