قاموس لأهم مصطلحات عالم التأمين، من البوليصة للتقسيط!

كلنا عندنا حاجات غالية علينا سواء مصدر دخل أو حاجة بتملكها أو حتى صحتك، والخوف ده ممكن يسبب قلق وتوتر يعطلوك عن حاجات تانية في حياتك مهمة، والتأمين يعتبر من وسائل الحماية المهمة جداً لكل الناس، وده لأن منتجاته متنوعة وتقدر تأمن بيها على أي حاجه غاليه عليك عشان ماتتحملش خسارتها لوحدك، اكيد الخسارة المعنوية ماتتعوضش بس على الأقل مش هتشيل هم الخسارة المادية.

وعشان تفهم كويس التأمين ومنتجاته وشروطه وتعرف تقدم على التأمين الأنسب، جمعنا لك أهم المصطلحات التأمينية اللي محتاج تعرفها في عالم التأمين.

الأسئلة دي لو بتدور في بالك في عالم التأمين اعرف إجابتها دلوقتي من هنا:  أهم 6 أسئلة بتخطر على بالك قبل ماتقدم على التأمين!

1- بوليصة التأمين:

 هي العقد اللي بينك وبين شركة التأمين وبيكون جواه:

(أ)فاتورة: 

فيها تفصيل كامل بالمبلغ والقسط وكل المصاريف اللي هتدفعها بالتفصيل.

(ب)جدول الوثيقة: 

اللي فيه اسم المؤمن عليه وكل بياناتك وأسماء المستفيدين من التأمين ومدة التأمين.

(ج)التغطيات:

 ودي الحاجات اللي الوثيقة مسؤولة بتعويض المؤمن عليه في حالة حدوثها، وأي حادثة أو خطر يحصل بره القائمة دي شركة التأمين مش مسؤلة عنها.

(د)شروط الوثيقة:

 زي الحد الأقصى للتعويض والحاجات اللي مش بتغطيها الوثيقة، وكمان التغطيات بشكل مفصل أكتر ونسبتها من التعويض.

(ه) الشروط الخاصة:

دي الحاجات اللي ممكن تطلب تغطيتها مخصوص ليك زيادة عن الحاجات اللي بتغطيها البوليصة في العادي.

(و)الشروط العامة: 

ودي بتتكون من بنود بتغطي كل تفاصيل الحوادث اللي ممكن تحصل والاستثناءات وإجابات كل الأسئلة اللي ممكن تخطر في بالك عن الوثيقة بما فيهم خطر الحروب والنيازك.

احصل على التأمين دلوقتي من مكانك في ثواني من خلال فايدتي!
 

2- المسؤولية المدنية تجاه الغير: 

ودي معناها أن التأمين بيغطي جزء من الأضرار اللي ممكن من غير قصد تحصل لأي حاجة تانية، يعني مثلا لو البيت متأمن عليه ووقت الحادثة حصل ضرر لحاجة من ممتلكات العمارة أو ممتلكات حد من الجيران، فـ التأمين بيكون عليه انه يغطي كمان تكاليف الضرر اللي هيحصل للجار.
 

3- المطالبة:

 هي مكالمتك لشركة التأمين اللي بتبدأ فيها تطلب من شركة التأمين انهم يبعتوا فريق المعاينة عشان تبدأ إجراءات التعويض.
 

تعرف ايه عن التأمين الطبي؟ اعرف أكتر عنه من هنا: 3 أسباب تخليك مهتم بالتأمين الطبي لشركتك

4- قسط التأمين:

 هو القسط اللي بتدفعه بشكل سنوي عشان البوليصة تتجدد، ولو ماتجددتش في معادها تعتبر ملغية.