ليه الدول ماتطبعش فلوس كتير وتحل مشكلة الاقتصاد؟!

ليه ماينفعش الدولة تطبع فلوس وخلاص بعدد ضخم وكلنا نبقى أغنياء؟ والحكومة مابتعملش كده ليه أصلًا؟ تفتكر ساعتها الاقتصاد مشاكله هتتحل؟

علاقة الفلوس بالدهب

لحد سنة 1931 كانت الدول بتربط قيمة العملة بالدهب يعني كان لازم تشتري دهب كأن الفلوس الورقية وصل أمانة بيثبت ملكيتك لدهب في البنك، وبالتالي ماكنش ينفع يبقى معاك فلوس غير لما يبقى عندك دهب.

لكن مع الوقت الدهب بدأ يقل والدول والتجار اللي كان عندهم دهب من غير إنتاج بعد الحرب بقوا يعتمدوا على احتياج الناس للدهب وبيغتنوا من غير شغل ولا إنتاج، وكان في دول تانية محتاجة دهب.

وفي سنة 1937 العملات مابقتش مرتبطة بمعادن خالص، واكتسبت قوتها من القانون

بداية التعامل بالفلوس الورقية

وفي سنة 1937 العملات مابقتش مرتبطة بمعادن خالص، واكتسبت قوتها من القانون وخلينا نقولك إن الورق في حد ذاته بقى له قيمة مش زي الدهب علشان كده الدول أخدت احتياطات كتير علشان تكون هي الجهة الوحيدة القانونية اللي من حقها تطبع فلوس.

وبقت الدول تستخدم خامات معينة لطباعة ورق العملات تخليها صعبة التزوير ومش زي أي نسيج ورق تاني وكمان بقوا يحطوا العلامات المائية.

 اعرف اكتر عن تاريخ العملات من هنا، نبذة عن تاريخ الفلوس الورقية

طب ليه الدولة ماتطبعش فلوس كتير؟

الدولة متقدرش تطبع فلوس كتير بدون زيادة حقيقة في الإنتاج، لأن الفلوس بالظبط زي أي سلعة بتتأثر بالعرض والطلب، وطباعة فلوس بدون زيادة حقيقية في الإنتاج هتكون سبب رئيسي في التضخم وبالتالي هيحصل زيادة عامة في الأسعار.
 

خلينا نوضحلك أكتر

لو السوق فيه سلعة واحدة بس زي المانجا، والكمية المعروضة منها 100 مانجا، والفلوس المتوفرة في السوق هي 100 عملة محلية، فجاءت الدولة وقررت تطبع 100 عملة محلية كمان هيكون الحاصل بالكامل في السوق 200 عملة.

كدا في 200 عملة + 100 مانجا يعني بدل ما المانجا مثلًا كانت بجنيه هيكون السعر اتضاعف في السوق لأن حصل خلل في عملية العرض والطلب.