ما هى شهادات الاستثمار، والفرق بينها وبين الوديعة؟

شهادة الاستثمار هي طريقة الحصول على عائد على فلوسك بدل حساب التوفير، وبيبقى العائد أعلى شوية من حساب التوفير. أقل مدة ممكنة للشهادة عادة بتبقى 3 سنوات، بس في بعض البنوك بتقدم شهادة لمدة سنة وبعائد شهري. وتقدر تلاقي أحسن شهادة أستثمار ليك هنا على فايدتي.

 

صفات الشهادة:

 

• الشهادة بتعتبر استثمار طويل الأجل.

 

• مدة الشهادة عادة بتبقى من 3-10 سنوات مع بعض الاستثناءات.

 

• نسبة العائد بتختلف من بنك للتاني وحالياً نسبة عائد الشهادات بيتراوح من 7-13%.

 

• عائد الشهادة ممكن يتصرف دورياً كل 3 شهور أو كل شهر على حسب مدة الشهادة، أو ممكن يتصرف في نهاية مدة الشهادة لو العائد بتاعها تراكمي أو مجمع.

 

• عادة الشهادة بيتم تجديدها تلقائياً، وعشان كده لو انت مش عايز تجددها لازم يتم إخطار البنك قبل ميعاد التجديد على الأقل بشهرين.

 

• ممكن يتم استرداد المبلغ المودع بعد 6 شهور، وعادة بيبقى في غرامة وبتختلف من بنك للتاني، بس أغلب الوقت بتبقى العائد اللي تم صرفه، وعشان كدة لازم تسأل البنك عن غرامة فك الشهادة. 

 

• عادة بيبقى في مصاريف إدارية، ولو المبلغ المودع مش كبير ممكن تلاقي إن الفايدة بتروح كمصاريف إدارية.

 

• ممكن تطلع قرض أو كريدت كارد بضمان الشهادة.

 

الفرق الأساسي ما بين شهادة الاستثماروالوديعة إن الوديعة بتعتبر استثمار قصير الآجل عشان بتقدر تكسر الوديعة في أي وقت وتسترد فلوسك، ولكن في الشهادة، فلوسك بتبقى مربوطة لمدة 6 شهور، وما بتقدرش تفك الشهادة قبل كدة.

 

إيه الفرق ما بين شهادة الاستثمار والوديعة؟

• الفرق الأساسي ما بين شهادة الاستثماروالوديعة إن الوديعة بتعتبر استثمار قصير الآجل عشان بتقدر تكسر الوديعة في أي وقت وتسترد فلوسك، ولكن في الشهادة، فلوسك بتبقى مربوطة لمدة 6 شهور، وما بتقدرش تفك الشهادة قبل كدة.

 

• الفرق التاني هو إن معدل الفايدة على شهادات الاستثمار بتبقى أعلى من الودايع.