مصاريف وخطوات استخراج رخصة قيادة خاصة 2022

فايدتي هتقولك على مصاريف استخراج رخصة قيادة خاصة 2022 قد ايه، والأوراق المطلوبة منك، وايه اللي بيحصل بالظبط لو نجحت في اختبار القيادة ولو فشلت كمان. 

اعرف دلوقتي أكتر عن كل الإجراءات والرسوم والأوراق المطلوبة علشان تستخرج رخصة القيادة الخاصة لأول مرة، وايه هي شروط الحصول على رخص القيادة عمومًا في مصر ومدة صلاحية رخصة القيادة الخاصة.

مصاريف استخراج رخصة قيادة خاصة 2022

أول حاجة هتروح للمرور التابع ليك حسب محل إقامتك الموجود في بطاقة الرقم القومي.

هتجيب نموذج 256 إلي المرور للحصول علي رخصة القيادة الخاصة، ودا عبارة عن نموذج طلب الحصول على رخصة قيادة وتقديمه إلى القسم المختص.

هتقدم صورة من بطاقة الرقم القومي مع الاطلاع علي الأصل.

مطلوب منك كمان ضمن أوراق استخراج رخصة قيادة خاصة إحضار صورة من شهادة التخرج مع الاطلاع على الأصل.

استخراج طالب الرخصة "شهادتين طبيتين (باطني وعيون) تفيدان باللياقة الطبية والآن يتم عملهما بوحدة المرور.

فصيلة الدم ويتم إجراؤها فى وحدة المرور.

تقديم 4 صور شخصية 4 * 6 حديثة.

من شروط استخراج رخصة قيادة ألا يقل سن المتقدم عن 18 سنة.

تقديم تحليل المخدرات من الجهات المعتمدة قبل تسليمه رخصة القيادة.

اجتياز المتقدم للدورة التدريبية الخاصة بالقيادة في مركز التعليم في المرور.

يشترط ألا يكون صادر ضد المتقدم حكم جنائي أو جنحة مخلة بالشرف والأمانة.

تشتري لوحة عربيتك منين، ولو عاوز لوحة مميزة تعمل ايه؟ اعرف أكتر من هنا: شراء لوحات سيارات من المرور مصر

مدة سريان رخصة القيادة الخاصة 

• رخصة القيادة الخاصة تسري لمدة 10 سنوات من تاريخ إصدارها.
• وبيكون تجديد الرخص خلال 30 يوم التالية لانتهاء مدتها.
• ألا تكون هناك غرامة تأخير عند التجديد.
• يشترط عند كل تجديد توافر الشروط المطلوبة لمنح الترخيص.

اعرف أكتر عن الامتحان العملي في استخراج رخصة القيادة من هنا

رسوم استخراج رخصة قيادة خاصة 2022

• رسوم الكشف الطبي وفصيلة الدم وتقدر بـ285 جنيه.
• رسم الضريبة ويقدر بـ615 جنيه، شاملة رسوم التأمين وتنمية موارد الدولة.
• رسم نموذح 256 لطلب الرخصة ويقدر بـ 6.5 جنيه.
• رسم نموذج اختبار إشارات ويقدر بـ 10 جنيه.
• ملف وحافظة لرخصة القيادة وتقدر بـ35 جنيه.
• طابع شرطة يقدر بـ15 جنيه.
• استمارة بيانات وسعرها 105 جنيه.

يعني إجمالي مصاريف استخراج رخصة قيادة خاصة 2022 حوالي 1000 جنيه.

بتدور على تأمين طبي مناسب ليك ولعيلتك؟ اعرف أكتر من هنا: أرخص تأمين طبي في مصر بـ 250 جنيه في السنة

في حالة الفشل في اختبار القيادة

في حالة الفشل في اجتياز اختبار القيادة في وحدة المرور الخاصة بيك بيتم تحديد موعد تاني لإجراء الاختبارات ما بين شهر أو ثلاثة شهور.

لكن لو اجتزت الاختبارات هتقوم بسداد الرسوم المقررة، والتوجه لغرفة التصوير وتسجيل البيانات بعد ذلك، ليتم تسليمك الرُخصة في نفس اليوم.

احصل على تأمين عربيتك من خلال فايدتي للوساطة في التأمين من مكانك في دقايق: اعرف أكتر من هنا