وثيقة تامين المطلقات: شروط الحصول على 25 ألف جنيه

وثيقة تامين المطلقات القانون الجديد اللي ناقشه مجلس النواب كان مفاجأة كويسة لسيدات كتير، فايدتي هتقولك تفاصيل أكتر بخصوص وثيقة تامين المطلقات اللي أصدرتها هيئة الرقابة المالية وهتستفيد منها كل سيدة اتعرضت للانفصال.

وثيقة تامين المطلقات هتكون مُلزمة للزوج علشان يسدد مصروفاتها ضمن رسوم عقد الزواج، والمادة دي اعتبرت أن الوثيقة بتهدف لتوفير حياة كريمة للسيدات المطلقات لغاية أما تتصرف النفقة وكل الالتزامات المالية التانية اللي مُلزم بيها الزوج بعد الانفصال.

وثيقة تامين المطلقات

شروط أول وثيقة تأمين على الطلاق 

• مرور أكتر من 3 سنوات على الزواج.
• يتم تحصيل 50 جنيه رسوم عند عقد الزواج.
• تحصيل رسوم 25 جنيه عند إشهار الطلاق.

وبيتم استهداف من هذه المادة منح المُطلقة مبلغًا من المال كتعويض مؤقت يساعدها على استكمال مسيرتها، لا سيما مع توقف إنفاق العائل بعد الطلاق.

اعرف الجديد في قانون المعاشات الجديد؟ لمعلومات أكتر من هنا: قانون المعاشات الجديد: شروط منح وزيادات الأرامل والمطلقات

 حل مشكلة أزمة رزق المطلقة

الفكرة في وثيقة تامين المطلقات إن هيئة الرقابة المالية كانت ناقشت مقترح بعد دراسة لحالات الطلاق في مصر، ولقت إن الفترة الزمنية لصدور قرار الطلاق حتى حصولها على حقوقها في النفقة الشرعية والمؤخر والتي تحصل عليهم بحكم قضائي تصل هذه الفترة من 9 شهور إلى سنة تقريبًا.

وخلال الفترة دي المطلقات ما بيكونش عندهم مصدر رزق ثابت علشان كدا هيئة الرقابة المالية شافت إن المرأة المطلقة لازم تحصل على وثيقة تامين المطلقات، وبيكون مبلغ مقطوع علشان تصرف وتعيش منه لغاية أما تحصل على حقوقها من خلال حكم قضائي.

والميزة كمان إن المبلغ اللي بيتصرف بيتم صرفه بدون اللجوء لمحاكم، واللي هتصرف شركة التأمين.

التعويض يكون مستحق بعد الطلقة التالتة واللي لا يجوز فيها الرجوع دون مُحلل.

خلاصة وثيقة تامين المطلقات 

• تأمين الطلاق من ضمن التغطيات الإجبارية في مشروع قانون التأمين الموحد الجديد.
• تعويض يصل لـ 25 ألف جنيه بعد الطلاق البائن.
• يشترط مرور أكثر من 3 سنوات على الزواج.
• التعويض يكون مستحق بعد الطلقة التالتة واللي لا يجوز فيها الرجوع دون مُحلل.

معلومات أكتر عن وثيقة تامين المطلقات من هنا: أول وثيقة تأمين على الطلاق: تعويض 25 ألف جنيه