يعني إيه إهلاك؟ وإيه هي طريقة حسابه؟

الإهلاك هو جزء أساسي من الدورة الاقتصادية وبيأثر على حسابات الشركات، والتعريف السريع له هو إنه انخفاض في قيمة الأصل بسبب الاستخدام أو الاستهلاك أو مرور الوقت، وبيتم حساب قيمة الإهلاك على مدار عمر الأصل.

لو عايزين نشرح الموضوع بطريقة سهلة أكتر، يبقى فكر في أي حاجة بتشتريها زي خلاط مثلاً، لو جبت خلاط وعاش معاك خمس سنين، وجبت واحد تاني وعاش معاك سنة بس، يبقى قيمة الإهلاك في أول واحد أقل من تاني واحد لإنه اشتغل لفترة أطول، وكل ما استفدت من الأصل لمدة أطول، كل ما كان الموضوع مفيد بالنسبة لك أكتر.

الإهلاك بيأثر على إيه في الشركات؟

الإهلاك في الحسابات بيأثر على إيرادات الشركة لإن الإهلاك بيعتبر جزء من المصاريف، وكل ما معدل إهلاك الأصول زاد، كل ما كلف الشركة أكتر لإن ده معناه إن الإصل لإما بيحتاج صيانة أو تغييره بأصل جديد.

أسهل طريقة هي طرح قيمة الخردة من القيمة الأولية للأصل وبعد كدة تقسيم اللي يطلع على عدد السنين الخاصة باستخدام الأصل. في نفس الوقت، تحديد قيمة الخردة وعدد سنين الاستخدام بتبقى تكهنات لإن لا يمكن إن الواحد يعرف بالضبط إيه اللي هيحصل في السوق

إيه اللي بيدخل في حساب الإهلاك؟

1. قيمة الأصل الأولية.

2. معدل الإهلاك.

3. مدة استهلاك الأصل.

4. قيمة الأصل كخردة، وده عشان لما الشركة تنتهي من استهلاك الإصل، تقدر تستفيد منه.

طريقة حساب الإهلاك

في أكتر من طريقة لحساب قيمة الإهلاك، والشركة هي اللي بتحدد الطريقة اللي هتستخدمها، وأسهل طريقة هي طرح قيمة الخردة من القيمة الأولية للأصل وبعد كدة تقسيم اللي يطلع على عدد السنين الخاصة باستخدام الأصل. في نفس الوقت، تحديد قيمة الخردة وعدد سنين الاستخدام بتبقى تكهنات لإن لا يمكن إن الواحد يعرف بالضبط إيه اللي هيحصل في السوق، فمثلاً في حالة إن الأصل ده مستورد، وحصل مشاكل في الإستيراد، ممكن قيمة الخردة تبقى أعلى من الأول، وساعتها قيمة الاهلاك هتبقى أقل. ولو حصل مثلاً طفرة في التكنولوجيا وتم استبدال الأصل بحاجة أفضل منه، ساعتها قيمة الخردة هتقل لإنه مابقاش مطلوب في السوق.