يعني إيه تمويل إسلامي (المرابحة) ويفرق ايه عن القرض العادي؟
تاريخ النشر: 11 أغسطس 2020 قاموس الفلوس
التمويل الإسلامي له شروط مختلفة شوية
في شوية بنوك حالياً بتوفر حاجة إسمها تمويل إسلامي، ولكن هو إيه، وبيختلف إزاي عن التمويل العادي؟ في المقال دا هنقولك معلومات أكتر عن التمويل الإسلامي.
اعرف من هنا الفرق بين النوعين دول من القروض: الفرق ما بين القرض الشخصي وقرض العربية
ايه هو التمويل الإسلامي؟
التمويل الإسلامي هو نوع من القروض اللي بتوفرها بعض البنوك، عادة بيبقوا بنوك خليجية، هي طريقة لعرض منتجات تمويلية مش معتمدة على فكرة التربح من الفايدة الزايدة على أصل القرض.
وفي كذا نوع من التمويل الإسلامي زي المرابحة، والتورق، والمشاركة، وحاجات تانية، بس النوع المنتشر أكتر هو المرابحة، وده اللي هنتكلم عنه.
القرض الإسلامي بيعتمد على إن البنك بيروح يشتري الحاجة اللي العميل عايزها، وبعد كدة هو بيبعها للعميل وبيزود سعرها بنسبة معينة، عشان يبقى متربح، زي ما واحد يشتري بيت ويستنى شوية، وبعد كدة يبيعه لحد تاني بسعر أزيد شوية.
ازاي تحصل على قرض بضمان شهادة الـ 18%؟ اعرف من هنا
ايه الفرق الأساسي ما بين القرض العادي، والقرض الإسلامي؟
- القرض العادي بيعتمد على إن البنك بيسلف العميل الفلوس عشان يشتري حاجة معينة، والملكية من الأول بتبقى للعميل، وبيدفع نسبة فايدة زيادة للبنك، وهي دي الأرباح بتاعة البنك.
- القرض الإسلامي بيعتمد على إن البنك بيروح يشتري الحاجة اللي العميل عايزها، وبعد كدة هو بيبعها للعميل وبيزود سعرها بنسبة معينة، عشان يبقى متربح، زي ما واحد يشتري بيت ويستنى شوية، وبعد كدة يبيعه لحد تاني بسعر أزيد شوية.
- بالطريقة دي، البنك ما عملش حاجة ضد القواعد الإسلامية للتجارة لإنه ما تربحش من تسليف فلوس، ولكنه باع حاجة وبعد كدة عرضها للبيع.
- طريقة التسديد: العميل بيسدد للبنك على أقساط، وبتبقى الحاجة في ملكية البنك لغاية ما العميل يسدد كل الأقساط اللي عليه. وده مبني على أساس حاجة إسمها المرابحة في الشريعة الإسلامية.
قارن وقرر بين قروض البنوك المختلفة واحصل على أفضل قرض ليك من خلال فايدتي، اعرف أكتر من هنا:
هل هو فعلاً مختلف عن القرض العادي؟
- أيوة، نظريًا هو مختلف، بس في ناس بتشوف إن الطريقة دي فيها تحايل على القوانين الإسلامية، بس في نظر المؤسسات الإسلامية زي الأزهر وغيره.
- مافيش أي مشكلة في التعامل مع البنوك عامة حتى الغير إسلامية.
