يعني إيه شراء المديونية/ Buyout loan؟

أكيد لما بتقدم على طلب قرض بيبقي عندك طرق ناوي تستخدمها عشان تسدد أقساطه، لكن ممكن يقابلك مفاجأة والظروف تتغير مع الأيام وساعات مش بتقدر تدفع القسط أو ممكن تكتشف قرض تاني أحسن لك، أو حتي تبقي عايز مبلغ أكبر، ومن هنا بتظهر حاجة اسمها "شراء المديونية" أو الـ Buyout Loan هى اللي هتساعدك وتخرجك من أزمتك.

ايه هو الـ Buyout Loan؟

هى حركة مالية بيقدمها بعض البنوك، وبتتقسم لـ حالتين:

الحالة الأولى:

 لو عاوز تزود مدة السداد عشان تقلل القسط اللي بتدفعه او تقلل المدة وتزود القسط عشان تخلص من المدونية

ومعناها أنك لو اخدت قرض من بنك بـ فايدة معينة على مدة 6 سنين مثلاً، وحصلك ظرف بعد فترة ومبقتش عارف تدفع القسط بالفايدة اللي البنك قالك عليها في البداية، فـ بتبقى عندك فرصة انك تسدد القرض بس بفايدة أقل شويه وبتخلي بنك تاني يشتري المديونية اللي عليك وتبدأ تدفع للبنك الجديد أقساط القرض كل شهر.

شراء المديونية بتنفع مع أي نوع من منتجات الاقتراض البنكية

الحالة التانية:

 لو لقيت فرصة أحسن!

وهى إنك لو أخدت قرض بمبلغ معين وبعد مدة لقيت بنك تاني عامل قروض تسديد المديونيات بفايدة أقل أو بمصاريف إدارية أقل، وده هيقلل من عليك القسط وبيفتح لك مجال لو محتاج مبلغ تاني وعندك مشكلة في دخلك، أن الـ DBR مثلاً مش مستحمل منتج بنكي تاني، وده هيكون حل كويس جداً انك تطلب من البنك الجديد انه يشتري المديونية اللي عليك بفايدة أقل ومبلغ أكبر على مدة أطول.

لو عايز تعرف أكتر عن الـ DBR ادخل هنا، إيه هي نسبة عبء الدين الـ DBR على المنتجات البنكية؟

شراء المديونية بتنفع مع أي نوع من منتجات الاقتراض البنكية، القروض وبطاقات الائتمان، والبنك الأصلي اللي منح القرض للعميل بيستفاد من شراء المديونية لإنه مش هيستنى العميل يدفع كل شهر أو يتأخر عن سداد القسط، لأن البنك الجديد بيدفع مبلغ القرض المتبقي للبنك الأصلي.

قدم دلوقتي على القرض الشخصى اللي محتاجه مع فايدتي من مكانك!