يعني إيه قيمة وقتية للفلوس وازاي تحسب قيمتها المستقبلية؟

الناس دايمًا بتلاقيهم بيقولوا إن الذهب قيمته فيه، ولكن الموضوع مختلف بالنسبة للفلوس، لإن قيمة الفلوس مرتبطة جدًا بالوقت.

القيمة الوقتية للفلوس معناها إن 10 جنيه النهاردة قيمتها هتختلف من 10 جنيه كمان كام سنة، وعادة القيمة بتقل. ولما بنقول قيمة الفلوس يعني الفلوس دي تقدر تشتري إيه.  

بمعنى إن دلوقت الـ10 جنيه ممكن تشتري كيس شيبسي، بس كمان كام سنة ممكن تبقى تكفي باكو لبان بس، وهكذا.

ازاي تفرق بين الفلوس الأصلية والمزورة؟ اعرف أكتر من هنا: 8 طرق علشان تفرق بين الفلوس الأصلية والمزورة!

القيمة الحالية للفلوس

وفي نفس الوقت القيمة الوقتية للفلوس هي اللي بتخلي منتجات بنكية زي الودايع وشهادات الاستثمار تبقى مفيدة، لإن البنك بيدفعلك فايدة لإنك وافقت إنك تسلم قيمة الفلوس الحالية له.

القيمة المستقبلية للفلوس بتتضمن قيمة الفلوس دي لو استثمرتها في حاجة وجابتلي عائد.

القيمة المستقبلية للفلوس

القيمة المستقبلية للفلوس بتتضمن قيمة الفلوس دي لو استثمرتها في حاجة وجابتلي عائد، يعني لو أخدت 10 جنيه وبعد كدة استثمرتها في حاجة جبتلك عائد فبقت 12 جنيه، يبقى كدة قيمة فلوسك المستقبلية هي 12 جنيه. 

غير لو أنت قررت ما تستثمرش الـ10 جنيه، وسبتها في الدرج، يبقى كدة قيمتها المستقبلية فضلت زي ما هي، بدون طبعاً حساب القوة الشرائية للـ10 جنيه واللي ممكن تنزلك قيمة الفلوس أكتر.

ليه الناس ما بتحبش تتكلم عن الفلوس؟ اعرف من 

اعرف العلاقة بين طباعة الفلوس والتضخم من هنا: إيه العلاقة ما بين طباعة الفلوس ومشكلة التضخم؟

المعادلة

عشان تعرف تحسب القيمة المستقبلية(Future Value-FV) لاستثماراتك لازم تحسب القيمة التراكمية، وعشان تقدر تستخدم المعادلة الخاصة بالقيمة المستقبلية، لازم تبقى عارف 3 حاجات:

• القيمة الحالية للمبلغ اللي هتسثمره (Present Value- PV)
• مدة  صرف العائد- شهري، سنوي، وهكذا number of periods- n))
• نسبة العائد في المدة الواحدة يعني نسبة العائد في الشهر أو السنة، وهكذا(rate of interest- r)

المعادلة النهائية:

القيمة المستقبلية = القيمة الحالية (1+ نسبة العائد)مدة صرف العائد 

FV= PV * (1+r)n