5 حاجات اوعى تشتريهم غاليين وخد بنصيحة دكتور مكاوي

مع ارتفاع سعر الدولار و زيادة الأسعار لازم تتعلم ازاي توفر فلوسك و تصرفها في الحته الصح ..هنقولك على شوية حجات اوعى تشتريهم غاليين، و متضيعش فلوسك عليهم و على رأي dr mekawy دكتور مكاوي وفر الكاشات وقت الأزمات .. كل ده هنقولهولك هنا في بلوج فايدتي ..

اللبس هو أكثر حاجة مش لازم تصرف عليها فلوس كتير .. وفر فلوسك لوقت الجد لأن اللبس مهما كان بفلوس كتير في الآخر مسيره هيقدم و مش هيفضل جديد زي ما هو علاطول و بالتالي اصرف فلوسك بذكاء و وفر الكاشات لوقت الأزمات … و عشان كده هنقولكم على 5 حاجات مش لازم أبدا تشتريهم بسعر غالي و ممكن جدا تشتريهم بفلوس قليلة …
 

الساعات .. اوعى تشتريهم غاليين

 
الساعات من الحاجات الأساسية اللي بنحتاجها عشان تكمل أناقة الطقم وفي أنواع كتير من الساعات هتلاقيها في السوق منها الأوريجنال و الهاي كوبي والكوبي و الساعات الشعبية .. بس مين قال إنك عشان تكون أنيق لازم تلبس ساعة اوريجنال يعني في ساعات حلوة ورخيصة في السوق وممكن تؤدي الغرض ..

طيب ليه تدفع 3 ألاف جنية في ساعة واحدة لما ممكن تدفعهم في 10 ساعات تبدل فيهم و تبان أنيق و شيك طول الوقت و كمان لو حصل وفي ساعة اتكسرت او اتخربشت هيكون معاك بديل ليها .. فمتضيعش فلوسك على ساعة واحدة غالية هاتلك اتنين ثلاثة هاي كوبي و حافظ على شياكتك 

ممكن تدفع كتير شوية لو قررت تشتري ساعة سمارت عشان هتكون بتنظم وقتك و بتساعدك انك تتابع حالتك الصحية 

تقدر تعرف أسعار الساعات الهاي كوبي من آمازون

تقدر تعرف أسعار الساعات الهاي كوبي من جوميا

تقدر تعرف أسعار الساعات الهاي كوبي من نون
 

التيشرتات و الشيمزات البيضاء 

من الحاجات اللي لازم تركز فيها أوي و مش لازم تصرف عليها فلوس كتير وتجيبها غالية أوي هي التيشرتات و الشيمزات البيضاء .. الشميزات والتيشرتات البيضاء ترندي جدا و يمكن بتليق على كل الهدوم لكن مهما كانت جودتها هي من الحاجات اللي بتتوسخ بسرعة جدا و بعد لبسة واتنين و ثلاثة هتلاقي إن لونها اتغير و يمكن يصفر شوية و بعد فترة مش هتكون جديدة زي أول مرة 

عشان كده بلاش تدفع فلوس كتير في تيشرت أبيض من براند معين و في المقابل ممكن تشتري 3 أو أربع تيشرتات بيضاء بسعر أقل تبدل بينهم .. و بكده استهلاكهم هيكون أقل و في نفس الوقت عمرهم هيزيد و لو واحد باظ هيكون عندك بدائل ..
 

تقدر تعرف أسعار التيشرتات و الشميزات البيضاء من جوميا

تقدر تعرف أسعار التيشرتات و الشميزات البيضاء من آمازون

تقدر تعرف أسعار التيشرتات و الشميزات البيضاء من نون

الشوز الفاتح و الأبيض 

الشوزات البيضاء من الحاجات الترندي جدا الفترة دي و بتتجدد كل سنه بتليق على اللبس الصيفي و الشتوي .. بس مهما عملت هتتوسخ يعني هتتوسخ .. لأنك ببساطة بتعتمد عليه بشكل أساسي في اللبس و هتستخدمه كتير فبلاش تصرف فلوس كتير على شوز أبيض أو فاتح و كمان متجيبش شوز رخيص أوي عشان ميتقطعش منك بعد أول لبسة ..

ممكن تجيب شوز في متوسط 150 أو 200 جنية للاستهلاك اليومي هيكون خامته كويسة وسعره مناسب ولما يبوظ مش هتزعل عليه أوي وتقدر تشتري واحد جديد 
 

مش لازم تشتري شوزات برادا أو شوزات كابا أو شوزات كالفن كلاين يعني يكفي إنك تروح محل شوزات كويس و لما يبوظ منك أو لونه يتغير تقدر تبدله .. ممكن تصرف فلوس كتير شوية على الشوزات الكلاسيك لأنها بتتلبس في المناسبات اللي بتحصل كل فترة كبيرة وبالتالي هيعيش كتير من الأخر تمنه فيه ..

اعرف اسعار الشوزات البيضاء والفاتحة من جوميا

اعرف اسعار الشوزات البيضاء والفاتحة من آمازون

اعرف اسعار الشوزات البيضاء والفاتحة من نون

الاكسسوارات 

الاكسسوارات هي من الحاجات الأساسية في لبسنا النيكلس والبريسلت و الخواتم و طبعا مع اللبس والعرق و البرفان هيتغير لونها و هتصفر و عشان كده بنقولك متضيعش فلوسك في الاكسسوارات الغالية لأنها كده كده هتبوظ وهتبدلها و  وفر فلوسك لوقت تاني أهم واشتري اكسسوار أسعاره بسيطة عشان لو لونه اتغير ترميه و تجيب بداله حاجة تانية من غير ما تحس إنك اتعورت في فلوسك 

اسعار الاكسسوارات الرجالي من جوميا

اسعار الاكسسوارات الرجالي من امازون

اسعار الاكسسوارات الرجالي من رافين

النظارات

لو أنت نظرك ضعيف و هتضطر تلبس نظارة نظر فمن الضروري تعرف أنك مش لازم أبدا تشتري فريم النظارة بسعر غالي خصوصا لو كنت من الناس اللي بتحب تغير الفريم مع الطقم و عندك أكثر من فريم بتبدل فيهم فلو الفريم اتكسر أو ضاع أو باظ متزعلش عليه .. 

ممكن توفر فلوسك على إزاز النظارة و تشتري حاجة نظيفة عشان تحافظ على نظرك لكن متضيعهاش على الفريم .. هات فريم بسعر بسيط و شكله شيك يؤدي الغرض 
 

و حتى لو قررت تشتري نظارة شمس و أنت عارف إنك هتستخدمها كإكسسوار للبس بس فمن الأفضل بردو إنك تبعد عن البراندات و الأسعار الغالية أوي … 
 

أعرف اسعار النظارات من  امازون

أعرف اسعار النظارات من  جوميا
أعرف اسعار النظارات من  نون
 

و لغاية هنا نكون خلصنا المقال و ممكن تشوف فيديو dr mekawy لو عايز تعرف أكثر عن الحاجات اللي مش لازم تدفع فيها فلوس كتير