Starlink خدمة الإنترنت الفضائي امتى هتتوفر في مصر؟

انتشر خبر خلال الساعات الأخيرة إن مصر هيكون فيها خلاص خدمة الإنترنت الفضائي للشركة العالمية المعروف ستارلينك Starlink واللي بيملكها إيلون ماسك، ودي خدمة توفير الإنترنت خلال الأقمار الصناعية هي عمليو مكلفة.

تمن العملية دي بيوصل لـ 1550 شهريًا يعني حوالي الـ 100 $ وبالتأكيد الإنترنت الفضائي دا أفضل من الإنترنت الأرضي في مصر لأننا بنعاني كلنا من البطء الشديد في الإنترنت.

الخدمة هتكون متاحة السنة الجاية

أعلنت شركة ستارلينك Starlink إن خدمة الإنترنت الفضائي هتكون متاحة في مصر والشرق الأوسط السنة اللي جاية 2023 بعد الحصول على التراخيص اللازمة من الجهات المنظمة.

التكلفة الشهرية للخدمة تبدأ من 100$ للإنترنت الفضائي

أسعار الإنترت الأرضي في مصر كام؟

• أقل من 10 دولا ر في الشهر لكن خدمة الإنترنت سيئة وبتقطع كتير.
• دا أكيد رقم قليل مقارنة بأسعار اشتراكات ستارلينك.

اعرف أكتر عن إيلون ماسك من هنا: خطة إيلون ماسك لمكسب 2 تريليون دولار في 10 سنين

ايه هي مميزات الإنترنت الفضائي؟

• فارق السرعة الرهيبة عن النت الأرضي.
• السرعات تبدأ من 100  ميجا في الثانية الواحدة.
• هيكون في سرعات أكبر من خلال ترددات مختلفة.
• جودة الخدمة والتوسع في السعة التحميلية.
• من مميزات الإنترنت الفضائي إنه بيسهل الوصول للأماكن اللي مفيهاش بنية تحتية لوصول الإنترنت.

البداية في مصر

خدمة Starlink الإنترنت الفضائي هتكون متاحة في مصر سنة 2023 زي ما قلنا قبل كدا لكن مصر حالة خاصة لأن عندها قمر صناعي اسمه "طيبة 1"،  وهو سيكون في منافسة مع خدمة الإنترنت الفضائي اللي بتقدمها ستار لينك.

لو ماتعرفش خلينا نقولك إن طيبة 1 حاليًا بيدي إنترنت للقطاعات الحكومية، ومن المفترض أنه هيقدم الخدمة للأفراد في الصيف الجاي، خاصة وأن تقديم الخدمة للأفراد أولا ستتيح للقمر الصناعي المصري الاستحواذ على عدد أكبر من المستخدمين.

معلومات عن خدمة ستارلينك الإنترنت الفضائي

• ستارلينك starlink بتشغل أكتر من 2000 قمر اصطناعي هدفها توفير الإنترنت في العالم.
• بتهتم الخدمة دي إنها تغطي المناطق الفقيرة.

مشروع ستارلينك Starlinkقايم على فكرة بناء شبكة إنترنت مترابطة مع آلاف الأقمار الصناعية، والمعروفة في عالم الفضاء باسم كوكبة، مصممة لتقديم إنترنت عالي السرعة للمستهلكين في أي مكان على الأرض.

بداية إطلاق خدمة ستارلينك  Starlink

شركة "سبيس إكس" اللي بيملكها إيلون ماسك أطلقت الخدمة لأول مرة ببرنامج تجريبي لمستهلكين محددين مقابل 99 دولار في الشهر، وهى الخدمة التي أتاحها ماسك في أوكرانيا بعد أن أرسل معدات لتوفير الإنترنت الفضائي.

مشروع Starlink ستارلينك بيستفيد منه أكتر من 100 ألف في العالم ومتاح في كتير من الدول زي: شمال أمريكا وجنوب كندا وبريطانيا، وأستراليا ونيوزيلندا والمكسيك، وفي دول تانية بتسعى للحصول عليه زي إسبانيا وإيطاليا والهند واليابان وغيرها.