أخطاء شائعة خاصة بالصرف

أكيد كلنا بنعمل شوية أخطاء لما بنصرف فلوس، ممكن نكون بنصرف كتير، أو مش بنحوش بطريقة صحيحة، أو يمكن مش عاملين ميزانية، وهكذا، بس في حاجات ممكن نكون بنعملها ومش واخدين بالنا إنها مضرة لميزانياتنا.

1. الاعتماد على التقسيط 

ممكن تلاقي نفسك إنك كل ما بتخلص تسديد حاجة، بتدخل في تسديد حاجة تانية، والتقسيط كويس لو أنت فعلاً محتاج الحاجة دي ومش قادر تدفع المبلغ كله مرة واحدة، ولكن ما ينفعش يبقى نمط حياتك هو التقسيط. عشان كدة قبل ما تبتدي تقسط حاجة جديدة، اسأل نفسك إن كنت فعلاً محتاج لها.

2. بتفتكر إن الغالي دايماً أحسن 

حالياً، المجتمع بتاعنا بقى مهووس بالماركات والحاجات الغالية، وعشان كدة بقى في فكر سايد إن أي حاجة أغلى تبقى أحسن، وممكن يكون ده صحيح في حالات معينة، ولكن مش دايماً، عشان كدة قبل ما تروح تجيب الغالي، شوف إن كان في فرق فعلاً ما بينه وما بين حاجة أرخص.

ما ينفعش تستخدم الكريدت كارد في كل مشترياتك، وخصوصاً لو أنت مش بتاخد بالك من وقت السداد والمبالغ اللي مفروض تسددها، وعشان كدة استخدم الكريدت كارد في الحاجات اللي مش هتقدر تستخدم فيها كاش أو بطاقة الخصم المباشر.

3. بتروح السوبرماركت من غير لستة

ممكن تكون أوحش حاجة ممكن تخرب ميزانيتك، لإنك كدة هتشتري اللي على مزاجك أو اللي أنت نفسك فيه، من غير ما تعمل حساب أنت إيه اللي فعلاً محتاجه، وهتلاقي إنك هتصرف أكتر من اللي أنت عايزه أو محدده، وعشان كدة لازم قبل ما تنزل، تعمل لستة بكل اللي أنت محتاجه وما تشتريش أي حاجة زيادة عن اللستة.

4. بتستخدم الكريدت كارد من غير ما تفكر 

ما ينفعش تستخدم الكريدت كارد في كل مشترياتك، وخصوصاً لو أنت مش بتاخد بالك من وقت السداد والمبالغ اللي مفروض تسددها، وعشان كدة استخدم الكريدت كارد في الحاجات اللي مش هتقدر تستخدم فيها كاش أو بطاقة الخصم المباشر. وممكن تعرف عن أسرار الكريدت كارد من هنا قبل ما تستخدمه.

5. بتحب تكافيء نفسك

كلنا بنلاقي إن إحنا بنحب نكافيء نفسنا بإن إحنا نشتري حاجة ممكن تكون غالية شوية كل فين وفين، بس لو لقيت إن الموضوع ده بيتكرر كتير، يبقى دي بقت عادة، وهتبقى عادة مكلفة جداً لو استمرت، وعشان كدة لازم تخلي بالك من المصاريف اللي أنت مش محتاجها.