أسعار تذاكر ومواعيد أشهر 10 متاحف في القاهرة والجيزة

لو بتدور على خروجات مختلفة لأولادك فى الاجازه مش هتلاقي احسن من المتاحف، خاصة أن مصر مليانة متاحف متنوعة في لكل الحضارات والثقافات اللي عادت عليها.

وجمعنا لكم هنا أشهر 10 متحف مستعدين لاستقبال الجمهور فى صيف 2021.
 

1- المتحف القومي للحضارة المصرية

أجدد متحف فى مصر وأشهرهم عالمياً حالياً بعد موكب المومياوات اللي تابعه العالم كله شهر أبريل 2021. المتحف بيحكي عن تطور الحضارات فى مصر من خلال القطع الأثرية بجانب المومياوات طبعاً، وموجود فى منطقة الفسطاط قريب من منطقة مجمع الأديان وعين الصيرة.

مواعيده:

 يوميًا من 9 الصبح لـ 5 بليل 

 معدا الجمعة من 9 الصبح لـ 9 بليل

التذاكر:

مصري: 60 جنيه 

طالب مصري: 30 جنيه

الاجنبي: 200 جنيه

تذكرة الكاميرا: 20 جنيه للمصريين

50 جنيه للأجانب

2- المتحف المصري بالتحرير

ده واحد من أشهر وأكبر المتاحف العالمية، ويعتبر أول متحف مصري لجمع الآثار الفرعونية. يقع حالياً فى النص ما بين ميدان التحرير وميدان عبدالمنعم رياض، وبيضم حوالي 180 ألف قطعة آثار، بتحكي تاريخ الحضارة المصرية بداية من ما قبل العصر الفرعوني.

مواعيده:

 يوميًا من 9 الصبح لـ 8 بليل 

التذاكر:

مصري: 30 جنيه 

طالب مصري: 10 جنيه

الاجنبي: 200 جنيه

تذكرة الكاميرا: 20 جنيه للمصريين

 50 جنيه للأجانب

3- متحف القبطي

ده المتحف الموجود داخل حصن بابليون ضمن أشهر الزيارات فى منطقة مجمع الأديان. المتحف بيضم مجموعة كبيرة من آثار العصر القبطى فى مصر.

مواعيده: 

يوميًا من 9 الصبح لـ 5 بليل 

التذاكر:

مصري: 10 جنيه 

طالب مصري: 5 جنيه

الاجنبي: 100 جنيه

4- متحف الفن الإسلامي

ده واحد من أكبر متاحف الفنون الإسلامية وبيضم قطع أثرية من بداية دخول العصر الإسلامي فى مصر، وموجود في منطقة باب الخلق.

مواعيده:

 يوميًا من 9 الصبح لـ 5 بليل 

التذاكر:

مصري: 20 جنيه 

طالب مصري: 5 جنيه

الاجنبي: 150 جنيه

قصر عائشة فهمي مفتوح للزيارة بالمجان لكل الفئات والجنسيات

5- متحف المركبات الملكية
 

يعتبر الرابع من نوعه في العالم، وموجود فى منطقة بولاق أبو العلا.

مواعيده: 

يوميًا من 9 الصبح لـ 1 الضهر

       ومن 5 بليل لـ 9 بليل 

التذاكر:

مصري: 20 جنيه 

طالب مصري: 5 جنيه

الاجنبي: 150 جنيه

6- المتحف الزراعي

المتحف مكون من 7 متاحف وجنينة كبيرة، ويعتبر أول متحف زراعي في العالم، وموجود في منطقة الدقي.

مواعيده: 

يوميًا من 9 الصبح لـ 2 الضهر

التذاكر:

مصري: 5 جنيه 

 

7- متحف البريد 

المتحف موجود جوه مصلحة البريد المشهورة في ميدان العتبة.

مواعيده:

 يوميًا من 9 الصبح لـ 2 الضهر

التذاكر:

مصري: 5 جنيه 

 

8- متحف محمد محمود خليل

ده المتحف اللي اتسرقت منه لوحة زهرة الخشخاش، واتقفل بعد حادث السرقة فى 2010 وأعيد فتح السنة دي للجمهور، وموجود فى شارع مراد فى الجيزة.

مواعيده: 

يوميًا من 9 الصبح لـ 5 الضهر

التذاكر:

مصري: 30 جنيه

الطالب المصري: 10 جنيه
 

9- متحف جاير أندرسون/ بيت الكريتلية

ده واحد من أجمل البيوت الاثرية، وهو مكون من منزلين بينهم ممر داخلي، ومليان بمقتنيات أخر ساكنيه، جاير أندرسون، وهو ظابط إنجليزي كان بيهوي جمع التحف. المتحف موجود جنب مسجد ابن طولون فى منطقة السيدة زينب.

مواعيده:

 يوميًا من 9 الصبح لـ 5 بليل 

التذاكر:

مصري: 10 جنيه 

طالب مصري: 5 جنيه

الاجنبي: 60 جنيه

تذكرة الكاميرا: 50 جنيه 

10- قصر عائشة فهمي

ده اشهر قصر فى الزمالك دلوقتي، اتبني سنة 1907، وبعد ما اتقفل سنين تم فتحه سنة 2017 وبقي بيعرض فيه أعمال فنية مختلفة كل فترة. ده غير أن وجوده على النيل مباشرة بيزيد من جماله خصوصاً بليل.

مواعيده: 

يوميًا من 9 الصبح لـ 9 بليل 

التذاكر:

مجاناً للكل.