أشهر خمس طرق لتحويل الفلوس بين الأفراد فى مصر!

فى طرق كتير بتتيح لك تحويل الفلوس من شخص للتاني، خاصة عن طريق البنوك، وهي:

1- الحوالات البنكية

تقدر بكل سهولة تحول فلوس من حساب لحساب تاني من برا لجوا مصر من خلال الحوالة البنكية، ودي طريقة شهيرة وسهلة جدًا، لكن أبرز نقطة سلبية فيها إنها بطيئة لكنها آمنة تمامًا.

مع العلم إن في الطريقة دي مش لازم يكون للطرف التاني حساب في نفس البنك اللي بتبعتله عليه الفلوس، وكمان الرسوم البنكية للعملية دي بتختلف باختلاف البنك اللي هتحول منه والمبلغ نفسه اللي هتبعته كام.

أما بالنسبة لاستلام الحوالة البنكية فبتكون من خلال تقديم بطاقة الرقم القومي للبنك اللي هتستلم منه الحوالة، وممكن تستلم فلوسك بالجنيه المصري أو بالعملة اللي تم الإرسال بيها.

2-التحويلات البنكية الداخلية

بتعتمد الطريقة دي على إرسال الفلوس من حساب في بنك إلى حساب تاني بس لازم يكون في نفس البنك برضه، والكلام دا سواء في مصر أو برا مصر.

وبتحتاج الطريقة دي بشكل أساسي لوجود حساب بنكي علشان التحويل يتم بنجاح، وهي طريقة مجانية في بنوك كتير، ومن خلال الموظف في البنك بتقدر تتأكد علطول من وصول المبلغ للحساب التاني اللي بعتله فلوس.

ومن مميزاتها إن في نفس اليوم يقدر الطرف التاني يحصل على الفلوس إذا كان التحويل من وإلى مصر لكن لو التحويل خارج مصر ممكن ياخدله يومين عمل، والمهم في الطريقة دي إنك تحتفظ بالإيصال اللي بيخص الإيداع أو السحب.

3-خدمة الـ Mobile Banking

فى 12 بنك فى مصر بيقدموا خدمة الموبايل بانكينج Mobile Banking، بتوفر لعملائهم  إرسال الفلوس من خلال الموبايل، وبتوفر لهم عمليات التحويل الناجحة جوا وبرا مصر.

الشرط الأساسي للاستفادة من الخدمة دي أن يكون عندك حساب في البنك، وعن طريق استخدام الأكواد السرية المتغيرة هتقدر بكل سهولة إجراء كتير من التعاملات البنكية زي إنك تبعت فلوس.

لازم تعرف إن الخدمة دي بتوفر إرسال الفلوس بالجنيه المصري بس، ومن أبرز مميزاتها إنها شغالة طول أيام الأسبوع وكمان خلال الإجازات.

 اعرف أكتر عن الخدمة من هنا،  5 مميزات للموبايل البنكي هتسهل عليك معاملاتك المالية

ممكن عن طريق ماكينة الصراف الآلي ATM تحول فلوس حتي لو معندكش حساب فى البنك ده المهم يبقي معاك رقم حساب فى البنك صاحب الـ ATM.

4- عن طريق الـ ATM من غير حساب بنكي!

ممكن عن طريق ماكينة الصراف الآلي ATM تحول فلوس حتي لو معندكش حساب فى البنك ده المهم يبقي معاك رقم حساب فى البنك صاحب الـ ATM.

اعرف أكتر عن خدمات الـ ATM من هنا، ليه استخدام الـ ATM والـ ITM ممكن يغنيك عن دخول البنك!

5- عن طريق الـ ATM من حساب لحساب في نفس البنك

• في الأول هتدخل الرقم السري المكون من 4 أرقام علشان تقدر تقوم بأي عملية والتحويل يتم بنجاح، هتظهر قدامك على الشاشة عدد من الاختيارات هتختار منها الإيداع.
• وبعدها هتدخل المبلغ اللي عاوز تبعته للشخص التاني، وأكبر مبلغ ممكن تحوله لشخص تاني 3 آلاف جنيه فى اليوم و5 آلاف جنيه في الشهر.
• وبالنسبة لمدة صلاحية التحويل علشان الطرف التاني يقدر يسحبه بتكون 5 أيام، وبعد مرور الأيام دي الفلوس بترجع تاني لصاحبها.
• وميزة التعامل بالـ ATM انك مش مقيد بساعات عمل البنك الرسمية.

أما لو عايز تعرف طرق لتحويل الفلوس بعيد عن البنوك فممكن تقرأ هنا، أشهر 4 طرق لتحويل الفلوس فى مصر غير البنوك