أهم 5 نصايح عن الإستثمار من رجل الأعمال وارن بافت

هو مين وارن بافت؟

وارن بافت هو رجل أعمال أمريكي، وحالياً رابع أغنى رجل في العالم، وهو كان مهتم بالاستثمار من وهو صغير، ونظريته في الاستثمار بتعتمد على النفس الطويل، والاستثمار في شركات ذات قيمة مستقبلية لضمان الربح.

1. اشتري  أسهم وهي في النازل

وارن بافيت بيعتمد على الصبر في تحقيق الربح، وعشان كدة هو مؤمن بإنك تستنى الأسهم لما تعلى تاني، وهو دايماً بيشتري أسهم لما بتكون في النازل.

2. استثمر في الحاجات اللي أنت فاهمها

استثمر في نوع الشركات اللي أنت فاهمها، وابعد عن الشركات اللي أنت مش فاهم نوع شغلها، فلو أنت مثلاً مهندس كمبيوتر، ابحث في الشركات اللي بتشتغل في تخصصك وشوف أنهي شركات معتمدة على أسس وقيم صحيحة تقدر تمكنها من الاستمرار في شغلها لمدة طويلة. كل اللي أنت محتاجه إنك تفهم طريقة شغل كام شركة كويسة.

أهم حاجة إنك تفهم إن الاستثمار الناجح من وجهة نظر وارن بافت هو الاستثمار طويل المدى، وعشان كدة هو بيرجح الاستثمار في شركات معمرة وكبيرة في السوق.

3. اعرف الفرق ما بين الاستثمار والمغامرة

ما تخدش قرارات بناء على سعر الأسهم بس، ولكن خد قرارات بعد ما تعمل أبحاث كافية وتدور على أصل الشركة وقيمتها في السوق. لو اخدت قرارت بناء على موضة معينة أو سعر معين، فده وارن بافت بيعتبره قمار ومغامرة بالفلوس مش استثمار.

4. ما تخليش هدفك الربح السريع

أهم حاجة إنك تفهم إن الاستثمار الناجح من وجهة نظر وارن بافت هو الاستثمار طويل المدى، وعشان كدة هو بيرجح الاستثمار في شركات معمرة وكبيرة في السوق، وتكون معروف عنها الإدارة الكويسة لإن دي هي العوامل الأساسية لاستمرار الشركات.

5. استثمر في نفسك

استثمر في تطوير نفسك عن طريق إنك تاخد كورسات تفيدك في حياتك العملية وتساعدك على تحقيق أهدافك.