إزاي تحضر نفسك للتقاعد؟

التقاعد ممكن يكون حاجة بعيدة بالنسبة لك، ولكن هو جزء مهم من الحياة ولازم الواحد يفكر فيه ويبتدي يحضر له من وهو صغير عشان ما تجيش تلاقي نفسك في مشاكل مالية وأنت فوق الستين.

إزاي متخيل معيشتك بعد التقاعد؟

لازم تفكر في شكل المعيشة اللي أنت هتبقى عايزها بعد التقاعد. هل هتفضل الحياة في المدينة ولا الحياة الساحلية؟ بعد ما تحدد نوع الحياة اللي أنت عايز تحققها، خد خطوات جادة لتحقيقها، زي مثلاً:

1. فتح حساب استثماري في البنك 

حدد نوع الاستثمارات اللي أنت شايف إنها هتخدمك، فممكن تقرر إن استثماراتك هتكون خليط ما بين استثمارات مضمونة زي الودايع أو شهادات الاستثمار واستثمارات فيها مخاطرة شوية زي أسهم وسندات.

لازم تفكر في التأمين الصحي، وإنك تلاقي أفضل خطة هتناسب صحتك.

2. البحث عن بيت التقاعد

لو أنت خلاص قررت إنك عايز تعيش في منطقة معينة يبقى أفضلك تبدأ تدور على البيت من دلوقت، لإن في أغلب الأوقات العقارات سعرها بيزيد مع الوقت. لو لقيت البيت المناسب ليك، ممكن تقدم على قرض عقاري وتبدأ رحلتك في إقتناء بيت أحلامك.

3. التأمين الصحي

مع كبر السن، صحة الواحد بتدهور، وعشان كدة لازم تفكر في التأمين الصحي، وإنك تلاقي أفضل خطة هتناسب صحتك، وده هتقدر تقرره بناءً على الأمراض المتوارثة في عيلتك، وعلى أساس ده، تشوف خطة هتغطي الأمراض دي، وبكدة هتكون مطمئن لإنك مش هتضطر تشيل المصاريف الطبية لوحدك.