إزاي تحلل سنتك المالية اللي فاتت؟

مع قرب بداية السنة الجديدة، الواحد دايماً بيحاول إنه يحدد أهداف مفيدة لحياته، بس قبل ما تتبتدي تحدد أهدافك المالية، لازم تشوف السنة المالية اللي فاتت عدت عليك إزاي؟ السنة خلصت، بس ممكن تتعلم منها شوية حاجات مفيدة، فلازم تبص على إنفاقك في خلال السنة.

صرفت فلوسك إزاي السنة اللي فاتت؟

لو لقيت إن فلوسك خلصت بس مافيش أي بنود واضحة للمصروفات، يبقى أنت ضحية للصرف العشوائي، وده من أكتر الحاجات اللي بتضيع دخلك بسبب أن أغلب المصروفات من النوع ده بتبقى مصروفات صغيرة بتتكر بطريقة دورية، وبسبب صغرها، فإنت مش بتعتبرها حاجة مهمة، ولكن مع تكرارها، بتبتدي تأثر على ميزانيتك.

لو لقيت إن مصروفاتك ليها بنود واضحة، يبقى أنت مركز أكتر في صرفك لدخلك، وعارف كل حاجة بتروح فين.

حدد أنت وفرت أد إيه السنة اللي فاتت، وإزاي استخدمت الفلوس اللي وفرتها. هل دخلت الفلوس في حساب التوفير

وفرت أد إيه من دخلك؟

المعروف أنك المفروض توفر على الأقل 20% من مرتبك كل شهر، وتحط اللي وفرته في حساب توفير أو لو مش محتاجه في المستقبل القريب، يبقى تستثمره. بس لو أنت مثلاً مش بتدفع إيجار أو أقساط، يبقى المفروض توفر على الأقل 50% من مرتبك الشهري. طبعاً الميزانية بتختلف من شخص للتاني، فلو مثلاً عندك عيلة، ممكن تلاقي إنك بتوفر أقل من 20% في الشهر.

حدد أنت وفرت أد إيه السنة اللي فاتت، وإزاي استخدمت الفلوس اللي وفرتها. هل دخلت الفلوس في حساب التوفير ولا قاعدة ما بتعملش حاجة في الدرج؟ أحسن حاجة تقدر تعملها هي أنك تشغل فلوسك عشان تجبلك دخل من غير ما تضطر إنك تشتغل زيادة.

عن طريق الحاجتين دول، تقدر تعمل تحليل مبدئي للسنة اللي فاتت وده هيساعدك في تحديد أهدافك المالية للسنة الجديدة.