إزاي تستثمر زي المليونيرات، وتحقق ثروة كبيرة في فترة قصيرة؟

تفتكر المليونيرات بيجيبوا فلوسهم منين؟ وهل الفلوس اللى معاهم دى بتعتمد على مبدأ التحويش بس ولا فيه طرق تانيه بيستخدموها! احنا هنقولك على 3 نصايح هتساعدك تستثمر فلوسك وتعمل ثروة كبيرة زي أي مليونير بتسمع عنه.

1- فكر قبل ما تستثمر!
 

ناس كتير لما بيبقى معاهم فلوس بتغير مكان سكنها، عشان تعيش في مكان أحسن وشقة أكبر، بس أول ما تفكر كده، شوف Case study حقيقية من رجل الأعمال الأمريكي، "وارن بافت"، وبالرغم من أنه غنى لكن فضل عايش في نفس بيته اللى اشتراه بـ 31,500$ سنة 1958، واللي بيساوي دلوقتي حوالي 250,000$، وده بيأكد مبدأ انك لازم تستثمر في أصولك زي البيت مثلاً، واللي تمنها هيزيد أضعاف على مدار السنين.

لو عايز تعرف أكتر عن وارن بافت، ادخل هنا، أهم 5 نصايح عن الإستثمار من رجل الأعمال وارن بافت

2-  خليك زي Scott Adam!

سكوت أدم هو رجل أعمال، ورسام كاريكاتير أمريكي، قدر يحقق نجاح في المجالين، البيزنس والفن، وكان معتقد ان الاستثمار مش بس في الفلوس، لكن الأقوى فعلا لما  تستثمر في نفسك أكتر، وفعلا استثمر المواهب اللى عنده، واللي ساعدته يبقى من أكتر الأشخاص المؤثرة في العالم، وكان ليه نصايح كتيره في الاستثمار، ومن أشهرها "

 Spending what you have after investing, instead of investing what you have left after spending'' ، بمعنى ان لو معاك مبلغ يفضل تستثمر معظمه، وبعد كده تشوف لو محتاج تشيل جزء لنفسك واحتياجاتك، بدل ما تضيع فلوسك وبعد كده تشوف هتعمل ايه في الباقي!

 لازم تستثمر في أصولك زي البيت مثلاً، واللي تمنها هيزيد أضعاف على مدار السنين

3- مليونير ما بعد الـ 40!
 

تقارير وإحصائيات عالمية كتير اتكلمت على الاستثمار، ومن أشهرهم تقرير Capgemini اللى اتكلم على فئة معينة من المستثمرين، وأثبتت أن المليونير وخاصة بعد سن الـ 40 بيغير نظرته في الاستثمار، وبيفضل المغامرة، بمعنى انه بيخلي جزء كبير من استثماراته في العقارات والمشاريع بدل من الطرق التقليدية زي الدهب والبورصة، فـ لو بتحب الاستثمار وفي نفس المرحلة العمرية دي، نصيحتنا ليك تغير طريقة استثمارك وتروح لاستثمارات جديدة وتنوع بينهم.