ازاى تعمل الاشتراك على قطار تحيا مصر2022: منين وبكام؟
تاريخ النشر: 27 سبتمبر 2022 نصايح ببلاش
تفاصيل استخراج اشتراك قطارات تحيا مصر للطلبة 2022
الهيئة القومية لسكك حديد مصر ومع اقتراب دخول العام الدراسى الجديد 2022 أعلنت ان الطلبة يقدرو يستخرجو اشتراكات بأسعار رمزية على قطارات (تحيا مصر).
اعرف أسعار تذاكر قطارات النوم من هنا: أسعار تذاكر قطارات النوم ومواعيدها في صيف 2022
مين المسموح لهم استخرج اشتراك مخفض لقطارات تحيا مصر؟
- طلاب المدارس
- طلاب الجامعات
- طلاب المعاهد
ازاى تعمل اشتراك القطار لو انت طالب؟
من يوم السبت الجاى 24 سبتمبر تقدر تروح لأى محطة مركزية وتطلب عمل اشتراك بين محطة القيام ومحطة الوصول اللى بتحددهم على أساس القرب من محل الاقامة ومكان الدراسة.
مدة صلاحية الاشتران بتكون 9 شهور ويمكن تمديد المدة 3 شهور كمان للطلبة اللى عندهم تدريب عملى فى غير شهور الدراسة.
أسعار تذاكر قطارات الدرجة التالتة من هنا: قطارات الدرجة الثالثة مكيفة: أسعار التذاكر ومحطات الوقوف
الأوراق المطلوبة لعمل اشتراك قطار تحيا مصر :
- استمارة بخمسة جنيه هتشتريها من شباك التذاكر فى المحطة.
- صورتين شخصية.
- صورة بطاقة الرقم القومى.
- تملى الاستمارة وتختمها من المدرسة او المعهد او الكلية اللى انت متسجل فيها.
هل تقدر تركب قطارات تانية باشتراك قطار تحيا مصر؟
ايوة ينفع، بس خلى بالك لازم تدفع فرق سعر التذكرة فى شباك التذاكر قبل ماتركب القطار علشان متعرضش نفسك للغرامة.
اعرف تذاكر قطارات الوجه القبلي من هنا: أسعار تذاكر قطارات الوجه القبلي في صيف2022
