ازاي تتعامل مع الفلوس بحكمة وانت بتصرفها!
تاريخ النشر: 09 ديسمبر 2021 نصايح ببلاش
نظم مصاريفك الثابتة وكمان حاول تقتصد 10% من الفلوس اللي بتكسبها
كل الناس بتفكر ازاي تحقق استقرار مادي في حياتها سواء الطالب، ورجل الأعمال والموظف طب ازاي أسدد كل احتياجاتي وكمان أقدر أحوش؟! كل اللي محتاجه إنك تخطط صح للمصاريف وكمان تنظم فلوسك بحكمة.
هنقدم نصايح كتير هتساعدك في الاستمتاع بحياتك من غير حرمان أو بخل خالص لكن في نفس الوقت هتقدر تحقق استقلال مادي وحياة أفضل، والنصايح دي هتساعدك لو بتعاني من قلة الفلوس كمان.
ازاي تصرف وتوفر بحكمة؟
- المصاريف الثابتة اللي بتدفعها كل شهر أو بشكل دوري عمومًا سجلها.
- حاول تقتصد 10% من الفلوس اللي بتكسبها شهريًا من خلال حسابك البنكي أو أي طريقة توفير.
- افصل مصاريفك الشخصية عن أي مصاريف تانية.
- سدد كل الفواتير اللي بتجيلك أول بأول.
- خلي أهدافك المالية واضحة ومتزنقش نفسك.
- ممكن تستخدم أبلكيشن تنظيم أموالك على الموبايل.
- تقدر كمان تحقق أرباح من الشغل على النت وتزود دخلك.
- قبل ما تشتري اعمل مقارنة بين الأسعار الأول.
- على قد ما تقدر انتظر الخصومات والعروض علشان تشتري الحاجة اللي محتاجها.
- في بعض الأمور زي اشتراك الجيم، الاشتراك السنوي بيكون أرخص استغل الفرصة.
استخدم حاسبة الميزانية الشهرية من فايدتي عشان تقسم فلوسك أول ما تقبض!
- خلي بالك من الفكة ماتصرفهاش في أي حاجة وخلاص علشان تخلص منها.
- ممكن تشتري حاجات مستعملة لو حالتها كويسة وهتغطي نفس المهمة.
- حاول تحكم مصاريفك كلها مهما كانت صغيرة بإنك تكتبها.
- ماتاكلش من برا كتير على سبيل التوفير والأكل الصحي كمان.
- خلي بالك من الفكة ماتصرفهاش في أي حاجة وخلاص علشان تخلص منها.
- حاجات كتير لما بتبوظ ممكن تتصلح اوفر من انك تجيب حاجة جديدة بسعر أعلى.
زي العربيات مثلاً، لو حسبت تصليحاتها حتى لو خارجة من حادثة هيبقي اكيد ارخص من شراء عربية جديدة باقساط جديدة ورخصة جديدة بمصاريف زيادة عن ميزانيتك!
ممكن تقسم ميزانيتك على شكل واحدة من الطرق المشهورة عالميا، إقرأ عنها هنا، إيه هي طريقة الـ 50-30-20 اللي بيتقسم بيها المرتب؟
