ازاي تختار شركة تأمين السيارات اللي هتتعامل معاها!
تاريخ النشر: 14 أكتوبر 2021 نصايح ببلاش
أمنت على عربيتك ولا لسه!
خطوات كتيرة بتعدي بيها لحد ما تشترى العربية اللى نفسك فيها، وعشان تسوق وانت مطمن وتحافظ على العربية، لازم تعمل تأمين عليها عشان تتجنب أي تكلفة ممكن تقع عليك بسبب حادثة سرقة أو حريق، أو حتى أي حادثة سير.
وأي حد عايز يعمل تأمين على العربية بيفكر في حاجتين مهمين:
- تكلفة القسط التأميني
- نوع التأمين ( عايز تأمن على ايه بالظبط في العربية)
وعلى حسب الحاجات دي هنقولك على نقطتين هيساعدوك تختار شركة تأمين السيارات المناسبة ليك.
1- اتأكد من سمعة الشركة!
لازم تعمل بحث عن الشركات اللي بتقدم تأمين للسيارات وتشوف ايه افضل شركه بتقدم تغطيات كتيرة بتكلفة معقولة وتناسب امكانياتك، وكمان تتأكد من الاستقرار المالي للشركة، وبتقدر تغطي حجم أضرار اد ايه في السنة؟ يفضل لو استقريت على شركة تكلمهم الأول في التليفون وتعرف طريقة تعامل موظفين الكول سنتر مع العملاء، وتشوف هل الشركة دي فعلا عندها الخبرة الكافية انها تتعامل مع العملاء وتقدر تساعدك في أي مشكلة هتقابلك في المستقبل ولا لأ.
ما تدفع قسط تأميني كل شهر لـ شركة التأمين هيكون أحسن ليك بكتير مقارنة لو اتدبست ودفعت تكلفة تصليح عربيتك
2- ليه عايز تأمن على عربيتك؟
قبل ماتقدم على تأمين السيارة لازم تسأل نفسك انا ليه هأمن على العربية؟ عشان لما تعرف اجابتك هتقدر تيحدد التغطية التأمينية اللى شركة التأمين هتوفرها لك وتكلفة القسط التأميني اللى هتدفعه.
أهم الأسباب للتأمين هي:
محتاج تحس بالأمان؟
في ناس كتير بتقدم على تأمين عشان تحس بالأمان ولو حصل أي حادثة زي سرقة أو حريق يكونوا مأمنين نفسهم، ده غير اللي بيبقي واخد قرض عربية والبنك بيجبروا على التأمين عشان يضمن حقه، وعلى فكرة فى بنوك بتجبر عملائها على التعامل مع شركات تأمين محددة.
استخدم فلتر فايدتي دلوقتي قبل ماتقدم على قرض السيارة وقارن بين البنوك المختلفة من مكانك.
عايز تأمن نفسك مادياً؟
لما تدفع قسط تأميني كل شهر لـ شركة التأمين هيكون أحسن ليك بكتير مقارنة لو اتدبست ودفعت تكلفة تصليح عربيتك مرة واحدة لو عملت حادثة، أو خبط عربية حد.
احصل على تأمين السيارات دلوقتي من خلال فايدتي من مكانك.
