ازاي تستفيد وتوفر مع صحابك؟ 5 أفكار
تاريخ النشر: 08 يونيو 2021 نصايح ببلاش
اعرف الطرق المختلفة اللي هتساعدك توفر بيها مع صحابك!
عندك كام صديق مقرب؟ طيب بقى لكم كام سنة تعرفوا بعض؟ انهارده 8 يونيو اليوم العالمي للـ Best Friends. وبالمناسبة دي هنقولك ازاى توفر مع صاحبك وتستفيدوا من وجودكم في حياة بعض.
1- العروض!
في عروض كتير ممكن تستفيدوا منها مع بعض، زي:
- محلات الهدوم: في محلات كتير بتعمل Offers على الهدوم زي اشتري قطعة وخد التانيه هديه، أو قطعتين والتالتة هديه، ممكن انت وصحابك تستفيدوا بالعرض ده في أول موسم الصيف أو الشتا.
- الجيم : أغلب صالات الجيم بتعمل عرض شهر ليك والتاني لصاحبك وهكذا، وده بيبقى من أكتر العروض اللى بتشجع الشباب انهم يلعبوا رياضة، وتبقى جمعت اصحابك عشان تعملوا حاجة مفيدة مع بعض.
ومش لازم يكون عرض تستفيدوا بيه دلوقتي، بس ممكن لو جربت منتج من مكان معين ترشحوا لصاحبك وفيه بعض الأماكن بتوفر عروض أو خصومات للشخص اللى رشحته.
خصوصا أن بحسب الاحصائية اللى عملتها Nielsen، نسبة 92% من الناس بيبقى عندهم ثقة في ترشيحات صحابهم لماركات أو أماكن معينة مقارنة لو المكان عمل اعلانات على السوشيال ميديا او التليفزيون.
2- أدخل جمعية!
مين غير صاحبك هيطاوعك في الدخول في جمعية كل ما تتزنق، ده كفاية انكم ضمنين بعض في الأقساط.
بحسب الاحصائية اللى عملتها Nielsen، نسبة 92% من الناس بيبقى عندهم ثقة في ترشيحات صحابهم لماركات أو أماكن معينة مقارنة لو المكان عمل اعلانات على السوشيال ميديا او التليفزيون.
3- ترشيح لـ وظيفة!
من أكتر الحاجات اللى هتفرح صاحبك انك ترشحه لـ وظيفة بمرتب كويس خصوصا لو في مجال دراسته.
4- مشروع!
لو انت وصاحبك عندكم خبرة كبيرة في مجال معين، افتحوا مشروع صغير وطبقوا الخبرة اللى عندكم، ولو زنقت معاك في النص تقدر تقدم على قرض شخصي يكمل معاك المصاريف.
قدم على القرض الشخصي اللي محتاجه مع فايدتي دلوقتي من مكانك.
ولو عايز تمول مشروعك بالكامل ممكن تعرف تفاصيل أكتر من هنا، تمويل المشاريع الصغيرة ومتناهية الصغر في مصر.
5- بتحبوا الأفلام؟
لو من عشاق الافلام والمسلسلات، تقدر تشترك في Netflix أو Shahid.Net أو Watch it، وتقسم تكلفة الاشتراك مع اصحابك اللى بيحبوا الأفلام والمسلسلات زيك.
