ازاي تكسب من الشغل على الانترنت

كلنا شفنا اللي حصل فى الشركات على مستوى العالم لما الكورونا قعدتنا فى البيت، الوحيد اللي متأسرش ولا سأل همشي شغلى وفلوسي إزاي هو اللي كدا كدا شغال من البيت خصوصا اللي شغال على الانترنت، وعشان العالم فى تقدم مستمر لازم كمان اشغالنا تبقى فى تطور مع التكنولوجيا، ودلوقتي بقي في 3 طرق تقدر تكسب منها فلوس بسهولة من البيت، هي:

1-بيع المنتجات على الانترنت

الشوبينج الاونلاين بقي موضة وتقريبا مبقاش فى حاجة مبتتبعش على الانترنت، بداية من اللبس للأكل والأدوات المنزلية، فلو عندك مشروع تجاري وبتبيع أي حاجة ممكن تبدأ تقدم خدماتك على الانترنت، وكل الموضوع مش هيحتاج غير صفحة على الفيسبوك أو الإنستجرام أو ال2 وتتفق مع شركة شحن بسعر كويس.

كمان لو تعرف حد عنده مشروع تجاري والبيع عنده قل بس هو ملوش فى مواقع السوشيال ميديا ممكن تمسك له البيع علي النت وتأخد نسبة من سعر المنتجات اللي هتبعها.

2-العمل الحر أو ال freelancing

في كذا وظيفة انتشرت فى ال10 سنين الأخيرة وأثبتت أنها مهمة لمعظم الشركات لكن ممكن الناس دي تشتغل بعقد حر أو يتحول لفريلانسر، وهما الناس اللي بتقدم خدمتها للشركة من غير مايلتزموا بمواعيد حضور محددة للمكتب أو عدد أيام معينة للشغل، والوظايف دي ممكن نقسمها ل 3 انواع:

 3 - الديجيتال ماركتنج :

نرجع تاني للانترنت والبيع عليه اللي طبعا بيحتاج دعاية وهنا بيجي دور فريق الديجينال ماركتنج واللي ممكن الشركات تحتاج شخص واحد منه أو تحتاج الفريق كله لكن لفترة محددة فهتروح للفريلانسر، ودول وظايفهم كتير زي متخصص الديجيتال ماركتنج ، ومتخصص السوشيال ميديا، وكاتب المحتوى، والجرافيك ديزاينر، والموشن ارتست.

لو كنت من البلوجر اللي ليهم خبرة فى مجال معين وبيعملوا محتوي مميز ممكن تعمل بلوج تحكي فيه عن تجاربك وتحط صور وفيديوهات تشد الجمهور عشان يبدأ يجيلك اعلانات.

 4-إدخال البيانات:

وهو الشخص اللي بيقدر يعمل بحث عن أي موضوع فى الدنيا ويجمع بيانات عنه، وفى شركات كتير بتحتاج الشخص ده عشان تجمع بيانات العملاء بتوعها أو منافسينها، او اي بيانات ممكن تكون مفيدة فى المجال بتاعها.

5 -المتخصص اللغوي:

في أكتر من وظيفة متخصصة فى اللغة من أهمها الترجمة واللي بيحتاجها أكتر من مجا، مثلا فى ترجمة الاوراق الرسمية، وترجمة المقالات، والابحاث العلمية وكمان فى ترجمة الافلام والاعمال الفنية. فى كمان وظيفة تانية اسمها المصحح اللغوي وده الشخص اللي بيكون شاطر جدا فى لغة معينة وبتجيلوا الحاجة قبل نشرها عشان يعدل عليها، زي الكتب والابحاث العلمية وكمان الأوراق الرسمية.

لو بتعرف تعمل حاجة من الوظايف اللي فاتت ممكن تبدأ تروج لنفسك على الانترنت وتعرض خدماتك على الناس اللي محتاجة وظيفتك وممكن تعمل ده بسهولة من خلال كذا موقع، منهم: Upwork و Freelancer و Fiverr و خمسات.

6-أنشئ ويب سايت

من الوظايف المشهورة على الانترنت هي إنشاء الويب سايت، فممكن تعمل ويب سايت لنفسك تعرض عليه خدماتك زي انك تكون SEO specialist مثلا أو بتدي كورسات فى مجال معين، أو لو كنت من البلوجر اللي ليهم خبرة فى مجال معين وبيعملوا محتوي مميز ممكن تعمل بلوج تحكي فيه عن تجاربك وتحط صور وفيديوهات تشد الجمهور عشان يبدأ يجيلك اعلانات.