امتى المفروض تدي بقشيش؟

بالرغم من إن في بلاد زي اليابان وأستراليا مثلاً موضوع البقشيش ده مش منتشر لإن العمالة بتاخد حقها في المرتب، إلا إنه بقى جزء مهم من الثقافة المصرية لدرجة إن في أوقات الواحد ما بيبقاش عارف هو المفروض يدي بقشيش ولا لا، وبعد كدة ممكن تلاقي نفسك اتحطيت في موقف محرج أو تحرج اللي قدامك، فتعالوا نشوف الأوقات اللي لازم فيها الواحد يدي بقشيش.

قيمة البقشيش بتبقى أد إيه؟

في طبعاً اختلاف على قيمة البقشيش، في ناس ممكن تقول 20% من قيمة الفاتورة، وفي ناس ممكن تقول 10%، بس واحدة من القواعد المتعارف عليها إنه مفروض يبقى أد قيمة ضريبة المبيعات (أو ضريبة القيمة المضافة)، والضريبة في مصر بتبقى 12%، بس طبعاً في الآخر، الموضوع بيرجع لتقييمك للموقف.

بما إن في مصر، البنزينات عادة مش بتقدم أويشن الخدمة الذاتية، فعادة متوقع إنك تدي العامل اللي بيملى التانك بقشيش.

الناس المتوقع منك تديهم بقشيش:

1. أي عامل توصيل

أي حد بيوصلك منتج للبيت، المفروض تديه بقشيش، كام بقى بيعتمد على الحاجة، يعني العامل البيوصل أكل أكيد البقشيش بتاعه هيبقى أقل من اللي بيوصلك كنبة مثلاً، كل ما مجهود الشخص زاد، كل ما البقشيش زاد شوية. 

2. عامل البنزينة

بما إن في مصر، البنزينات عادة مش بتقدم أويشن الخدمة الذاتية، فعادة متوقع إنك تدي العامل اللي بيملى التانك بقشيش.

3. البواب

لو بعت البواب يعملك أي حاجة، فـ من المتوقع إنك تديله بقشيش.

إمتى البقشيش مش بيبقى مفروض؟

1. الخدمة السيئة، أكيد لو الخدمة سيئة، يبقى المفروض ما تديش بقشيش، ده أنت المفروض تشتكي، وترجع فلوسك أصلاً.

2. في حالة المطاعم اللي بتحسب ضريبة خدمة، المفروض إن البقشيش مش بيبقى متوقع، ولكن ممكن لو الخدمة كانت كويسة تعبر عن مستوى رضاك بالخدمة عن طريق البقشيش.

3. لو مقدم الخدمة هو المالك: لو الشخص اللي بيساعدك أو بيقدملك الخدمة هو المالك، يبقى أكيد ما تديش بقشيش، وممكن لو حابب، تديله مبلغ يوصله للموظفين أو العمال عنده.