ايه مميزات التقديم على وثيقة تأمين الحوادث الشخصية؟

كام مرة اتعرضت لخطر وعديت منه! أو صرفت اللى وراك واللي قدامك عشان تخلص منه في أسرع وقت! الحقيقة أن خطوات كتيرة بتمر بيها في حياتك، وبيكون فيها احتمالية خطر ولو حتى 1%، وشعور الخطر ممكن يخليك متعملش حاجة معينة وتقف مكانك، لكن دلوقتي تقدر تتخلص من أي مشاعر سلبية وتأمن على نفسك ضد الحوادث الشخصية.

ايه هو تأمين الحوادث الشخصية؟
 

هي وثيقة تأمين، بيطلب فيها الشخص أنه يأمن على نفسه ضد الحوادث الشخصية الغير متوقعه زي: حادث سير، حادث حريق، أي كسر ناتج عن حادث،...إلخ، وشركة التأمين بتدفع التعويض المالي أو نسبة منه على حسب الحالة الصحية لصاحب الوثيقة، وبيكون مقابل قسط بسيط بيدفعه المؤمن عليه، وبيغطيه في 5 حالات:
 

•    شركة التأمين بتدفعلك النفقات الطبية اللى حصلت نتيجة عن حادثة 
•       العجز الجزئي المستديم 
•        العجز الكلي المؤقت 
•    العجز الكلى المستديم 
•           الوفاة

لو عايز تعرف أكتر عن الحوادث الشخصية اقرأ هنا، ايه هو تأمين الحوادث الشخصية، وتفاصيله، وطرق التقديم عليه؟

ايه المميزات اللى هتلاقيها لما تقدم على تأمين الحوادث الشخصية؟

1- راحة البال وأمان العيلة

الوثيقة دي بتسند المؤمن عليه لو اتعرض لحادثة، لأن الشركة بتدفع مبلغ التأمين بالكامل في حالة العجز الكلي، وبتدفع نسبة من المبلغ في العجز الجزئي، لكن لا قدر الله في حالة الوفاة، شركة التأمين بتدفع التعويض المالي كله  للمستفيدين اللى صاحب الوثيقة محددهم. يعني في كل الأحوال شركة التأمين هتخليك أنت وأسرتك دايما في أمان.

2- أقل مستندات مطلوبة
 

لو بتكسل تقدم على التأمين بحجة ان الشركة هتطلب منك أوراق كتير، وهتضطر تعمل مشاوير أكتر، فـ تأمين الحوادث الشخصية من أسهل الوثايق من حيث المستندات اللى شركة التأمين بتطلبها، يعني هتأمن على نفسك وبأقل مجهود.

لو بتكسل تقدم على التأمين بحجة ان الشركة هتطلب منك أوراق كتير، فـ تأمين الحوادث الشخصية من أسهل الوثايق من حيث المستندات

3- ومن غير كشف طبي
 

شركة التأمين مش بتطلب منك أي اختبارات طبية، لأن ببساطة النوع ده من التأمين بيغطي أي حادثة بتحصل نتيجة التعرض لخطر زي حادثة أو حريق، وملهاش أي علاقة بالأمراض المزمنة أو تعب مفاجئ.
 

4- أمان في أي مكان في العالم
 

من أهم مميزات تأمين الحوادث الشخصية انه مش بيقتصر على مكان معين، يعني لو حصلت حادثة في أي دولة، التأمين هيغطيك، وهيدفع التعويض واللي بيختلف نسبته وقتها على حسب الحادثة والحالة الصحية اللى صاحب الوثيقة هيبقى فيها.

احصل على التأمين ضد الحوادث الشخصية دلوقتي من خلال فايدتي من مكانك!