نصايح عشان تعمل شوبينج أونلاين من غير ما يتنصب عليك

بعد العالم كله ما قعد في الكوارنتين بسبب الكورونا، الناس كلها ركزت مع الشوبينج أونلاين وخصوصا البنات وبسبب انتشاره لشهور، فى ناس ابتديت تستغله فى النصب.

وهنا هنقولك ازاي تشتري أونلاين من غير ميتنصب عليك:

1. يكون أحسن لو اشتريت من مواقع معروفة، علشان تتابع بسهولة وصول طلبك ده غير أن بيكون فيها فريق خاص للشكاوي بيساعدك فى لو عايز تعمل استرجاع لطلبك أو الشكوى من أي مشكلة قبلتك فى الشوبينج

2. بلاش الدفع بالكروت البنكية، لأن نسبة النصب فيها بتكون أكبر لكن لو اضطريت تستخدامها، تابع باستمرار السحب عليها علشان تقدر تبلغ في أسرع وقت لو فكروا يسرقوك 

أسال عن تكلفة الشحن قبل التأكيد على طلبك، وحاول تشتري فى مواسم التخفيضات اللي بيكون فيها الشحن مجاني

3. اطلب من الموقع أو صفحة الفيسبوك صورة حقيقية للمنتج اللي طلبته ومتكتفيش بالصورة اللي بيعلنوا بيها

4. أتأكد أنك تقدر تفتح المنتج قبل ماتحاسب، علشان متدبسش ولو طالب لبس أطلب كذا مقاس لو مش قادر تحدد مقاسك 

5. أسال عن تكلفة الشحن قبل التأكيد على طلبك، وحاول تشتري فى مواسم التخفيضات اللي بيكون فيها الشحن مجاني

6. أخر وأهم حاجة، أتأكد أنك محتاج المنتج ده و هتستخدمه، ومتطلبهوش بس علشان الاعلان بتاعه عجبك!