نصايح لملاك البيوت الجداد

لو ناوي تشتري شقة أو بيت جديد، ممكن تكون نقيت الوقت الأفضل لده، لإن دلوقت السوق بيعاني من قلة البيع والشراء بسبب تأثير فيروس كورونا المستجد، وفي شركات كتير عاملة تسهيلات للتقسيط ماحدش شاف زيها بقالنا سنين، بس قبل ما تتسرع وتشتري، في حاجات لازم تخلي بالك منها.

دور على ملاك من الشركة اللي هتشتري منها

قبل ما تمضي العقد، اتعب نفسك شوية ودور على تقييم من الملاك اللي عايشين في الكمباوند اللي هتشتري فيه، واليومين دول الموضوع بقى سهل بسبب وسائل التواصل الاجتماعي، كفاية إنك تكتب إسم الكمباوند في فايسبوك عشان تشوف الناس بيقولوا إيه عليه، وفي أغلب الوقت لو الكمباوند في مشاكل كتير، هتلاقي حاجات أكتر من لو هو مافيهوش مشاكل. الخطوة دي ممكن تبقى مزعجة شوية بس هتوفر عليك تعب مستقبلي.

ممكن تفتكر إن تقسيط المبلغ كله حاجة في صالحك، بس الحقيقة المبلغ اللي هتقسطه بيبقى عليه نسبة فايدة إلا لو كان تقسيط بدون فوايد، وعشان كدة يفضل إنك تدفع المقدم وتقسط الباقي، عشان الفايدة هترفع تكلفة البيت النهائية.

اسأل عن مصاريف الصيانة

ممكن الواحد يقرر يشتري بيت أزيد شوية في الفلوس على أساس إنه هيبقى أحسن أو في منطقة أفضل، ولكن في بعض الأحيان الناس بتنسى تسأل عن مصاريف الصيانة اللي عادة بتبقى مبلغ مالي كبير بيدفع كل سنة، وفي بعض الشركات بتشترط زيادة المبلغ ده، وبيبقى مكتوب كبند في العقد، فلازم تسأل إن كانت مصاريف الصيانة ثابتة ولا متغيرة.

شوف تمويل عقاري يناسب امكانياتك

ممكن تفتكر إن تقسيط المبلغ كله حاجة في صالحك، بس الحقيقة المبلغ اللي هتقسطه بيبقى عليه نسبة فايدة إلا لو كان تقسيط بدون فوايد، وعشان كدة يفضل إنك تدفع المقدم وتقسط الباقي، عشان الفايدة هترفع تكلفة البيت النهائية، ولكن في نفس الوقت لازم تشوف تمويل عقاري بيناسبك من حيث المبلغ الشهري، المصاريف الإدارية، عدد سنوات التقسيط، وإن كانت الفايدة ثابتة ولا متناقصة.