ازاي تبقي صاحب ستارت أب/ Startup ناجحة ؟ دراسة الجدوي

بما أن الشركات الناشئة أو المعروفة عالمية ب Startup زادت جدا في الفترة الأخيرة  خاصة أن معظمهم أبلكيشن وويب سايت، ومع حب الشباب لبداية مشروعاتهم الناشئة الجديدة، هنقولك في سلسلة مقالات إزاي تقدر تمتلك Startup ناجحة، والخطوات اللي محتاج تعملها.

دراسة الجدوي، إيه هو تعريفها وإيه أهميتها؟

دراسة الجدوى هي عملية جمع المعلومات عن مشروعك، وتحليلها بالتفصيل عشان تقلل المخاطر اللي ممكن يتعرض لها وتضمن تحقيق أرباح منه. في نفس الوقت، الدراسة دي بيدخل فيها العوامل اللي بتأثر علي سير العمل في مشروعك، زي العوامل الاقتصادية، والتكنولوجية، والقانونية.

دراسة الجدوى هي عملية جمع المعلومات عن مشروعك، وتحليلها بالتفصيل عشان تقلل المخاطر اللي ممكن يتعرض لها وتضمن تحقيق أرباح منه.

إزاي أعمل دراسة الجدوي؟

عشان الموضوع يكون بسيط عليك، هنقسم الدراسة لشوية خطوات، محتاج تدرس كل واحدة فيها بالتفصيل، والخطوات هي:

• محتاج تحدد المهارات اللي بتمتلكها وهتفيدك في المشروع، بمعني أن دورك ممكن ميقفش عند الإدارة لو عندك مهارات مختلفة.
• دراسة إمكانية نجاح فكرة المشروع اللي اخترتها من تحقيق الارباح اللي متوقعها.
• دراسة الخطوات القانونية اللي محتاج تبدأ بيها.
• تحديد المنتج الأساسي، وسعره بالمقارنة باللي موجود في السوق، والطريقة المقترحة لإنتاجه.
• التفكير في التمويل الخارجي، ودراسة إمكانية الحصول عليه.
• تحديد التكاليف الإجمالية اللي محتاجها لتأسيس المشروع، وده هيحتاج دراسة كذا نقطة عشان تحدده:
• وصف المشروع: اسمه، وموقعه.
• تحديد الملاك والنسبة اللي بيمتلكها كل مالك.
• تحديد الأصول الثابتة اللي محتاجها المشروع، زي الويب سايت
• والأصول الفنية كمان اللي هتحتاجها للدعاية، زي اللوجو.
• تحديد مراحل عملية الإنتاج ومتطلبات العملية دي من خدمات وسلع.
• تحديد مبدئي لعدد الموظفين اللي محتاجهم، والمؤهلات اللي بتدور عليها عشان تفيد مشروعك، وتحديد ميزانية مرتبتهم.
• دراسة السوق من ناحية حجمه، وحجم المنافسة، وسلوك المستخدمين.
• دراسة المنافسين الموجودين فعلا في السوق.
• وضع ميزانية إجمالية مبدائية لكل تكاليف المشروع، بعد تحديد كل اللي ممكن يحتاجه.
• اختيار تاريخ مبدئي هيكون منتجك مستعد فيه لدخول السوق، النقطة ديه أهميتها هو تحفيظك!