5 أسئلة ضرورية لازم تسألها لنفسك قبل ما تسلف حد فلوس!

كتير أوي ممكن تتحط في الموقف ده إن شخص يطلب منك فلوس سواء الشخص دا قريب منك أو لا، وساعات بتحس بالإحراج إنك مش عارف تاخد قرار خاصة لو الدنيا معاك ماديًا مش أفضل حاجة أو لو أنت مقلق إنه يرجع الفلوس فالوقت اللي هتتفقوا عليه.

علشان تكون في الأمان لازم تسأل نفسك شوية أسئلة قبل ما تاخد قرار تسلفه فلوس أو لا، وكمان لو هتقوله لا ازاى تقولها بالذوق وتنصح الشخص ده بشوية حاجات هتساعده يعدي الأزمة المادية اللي عنده، الأول اسأل نفسك الـ 5 أسئلة دي: 

·       هل الشخص ده قريب منك؟ يفرق معاك ولا معرفة سطحية؟

·       هل أنت جربت قبل كدا تسلف للشخص دا فلوس وكان ملتزم بالسداد في الميعاد حسب الاتفاق؟

·       هل المبلغ اللي طالبه كبير؟ وهل أنت تقدر تسلفه بس ميزانيتك أنت ما تتلخبطش الفترة دي؟

·       هل مدة السداد مفتوحة ولا قايلك ميعاد؟

·       هل الحاجة اللي عاوز فيها فلوس مهمة؟

خلي بالك:

لو المبلغ كبير وأنت أول مرة تتعامل معاه مش عيب إنك تطلب منه ضمان من خلال شخص مصدر ثقة أو وصل أمانة علشان الالتزام.

وجه له النصيحة: 

لو هو محتاج فلوس علشان يفتح مشروع أو يشتري حاجة معينة فالحلول كتير زي إنه يستلف من شركات تمويل المشاريع الصغيرة أو يقدم على قرض شخصي من البنك.

قدم على تمويل لمشروعك القائم من خلال فايدتي من مكانك!
 

من المنتجات البنكية اللي بتسلفك فلوس بطاقات الائتمان وهي كروت مش مرتبطة بحساب بنكي معين

المنتجات البنكية اللي بتسلفك فلوس هي:

الكريديت كارد/ Credit Card:

بطاقات الائتمان هي كروت مش مرتبطة بحساب بنكي معين، بتقدر تسحب منها أي مبلغ لدفع مصاريفك وبيتحول لدين عليك مع فوايد على المبلغ اللي استلفته، واللي بتسدده خلال فترة معينة بتختلف من بنك للتاني، ما بين 45 يوم لـ 58 يوم.

مميزاتها انك ممكن تستخدمها فى تعاملاتك على الإنترنت، ده غير إن فى بنوك بتدي عليها خصومات فى حالة انك اشتريت من محلات معينة بيكونوا متعاقدين معاهم.

قارن ما بين فيزا المشتريات في البنوك المختلفة على فايدتي 

 القروض:

في أنواع كتيرة من القروض بتختلف على حسب الحاجة اللي محتاج تستلف علشانها واللي بيتحدد على أساسها الضمان بتاع القرض، من أشهر الأنواع دي:

القرض الشخصي:

 القرض الشخصي هو وسيلة لتمويل حاجة خاصة زي مثلاً سفرية أو مولود جديد أو جواز، وهكذا... طبعاً القرض معناه إنك هيبقى عليك قسط شهري بفايدة معينة حسب كل بنك ومبلغ القرض.

البنك بيحدد إمكانية تمويل القرض الشخصي على أساس المرتب، السجل المالي للمتقدم وإمكانية المتقدم على سداد القرض. ميزة القرض الشخصي انه مش بيحتاج ضمان بعكس باقي القروض.

تقدر تعرف اي بنك انسب لك لو دخلت على حاسبة القروض الشخصية على الويب سايت بتاعنا.

وممكن تبعت لصاحبك النقال ده، ليه تستلف من صحابك لما ممكن تستلف من البنك؟