5 حاجات تعملها علشان تخطط لميزانية مشروعك فى 2022

العالم بيحتفل في شهر ديسمبر من كل سنة بالـ Write a Business Plan، وهدفه مساعدة الشركات الصغيرة والكبيرة على الحفاظ على نمو ثابت ومنظم بغض النظر عن طموحاتك العامة كشركة.

خلي بالك إن لو شركتك شغالة سنة ورا التانية من غير خطة واضحة فده هيأثر على طبيعة العمل عندك علشان كدا لازم تحتفل باليوم ده بأفضل شكل ممكن بإنك تعمل خطة عمل واضحة واحنا هنقولك ازاي.

ولو أنت بتفكر برضه تبدأ عمل تجاري جديد لازم تحط خطة عمل واضحة، وخليك فاكر كويس إنك تحط خطة عمل واضحة ومفصلة ومدروسة ده هيخليك تحقق نجاحات أكتر بصفة مستمرة.

مشروعك في أمان مع ميزانية مظبوطة!

1-   خطة العمل

حط خطة لشغلك وابدأ فكر في الخطوات اللي محتاج تبدأ بيها، زي مين اللي محتاج توظفه الأول وكفاءته ايه ومتوسط المرتبات، وهنا بنتكلم عن الخطوط العريضة اللي هتصرف فيها.

خدت تمويل أو ماخدتش حاول تحافظ دايما على ميزانيتك عشان متخلصش كل فلوسك في حاجات ملهاش لازمة

2-   دراسات سوق العمل

ادرس سوق العمل كويس ومفيش مانع انك تحدد له ميزانية في الأول علشان تعرف أنت داخل عليه كويس، وكمان تبقي فاهم منافسينك وعارف كل خططهم اللي جاية.

3-   الميزانية

خدت تمويل أو ماخدتش حاول تحافظ دايما على ميزانيتك عشان متخلصش كل فلوسك في حاجات ملهاش لازمة، زي مقر كبير للشركة وأنت لسه في البداية وموظفيك قليلين .

4-   دور على التمويل

كل شركة في بدايتها مابتستناش مكسب قد ما بتحتاج فلوس تتصرف عليها، فشوف أحسن تمويل بالنسبة لك إيه، في طريقين، أنك تأخد قرض من البنك وده هيبقى ليه مدة محددة لازم تسدده فيها، أو أنك تدخل شركة كبيرة كشريك ليك بنسبة فى أسهم الشركة قدام التمويل طبعا.

5-   ميزانية التسويق

طبعا الأهم من الشغل تظبيط الشغل، يعني إيه أهمية مشروعك لو مفيش حد يسمع عنه ولا بيستخدمه، فلازم تحط ميزانية للتسويق من بدري وفيها كمان التسويق عن طريق الانترنت عشان تقدر توصل لأكبر عدد من الجمهور بأرخص الطرق على الأقل في البداية.

اعرف أكتر: ازاي تبتدي مشروع؟