5 حاجات ماتستخسرش فيها فلوسك فى السنة الجديدة

بما أننا من أكتر مشجعين التوفير، هنقولك فى بداية السنة الجديدة إيه الحاجات اللي تستاهل فعلا تصرف فيها فلوسك. 

1-أدوات التعقيم

مع دخول الموجة الجديدة من فيروس كورونا وظهور سلالة جديدة منه فى أوروبا، أدوات التعقيم والكمامات بقت من ضروريات حياتنا اليومية، وتستاهل الفلوس اللي بتدفع فيها عشان نحمي نفسنا وعائلاتنا من الفيروس. أهم حاجة تتأكد من جودة الحاجة قبل ماتشتريها، زي أن يكون الجل والمطهر فيهم نسبة كحول متقلش عن ٧٠%، وأن الكمامات تكون من خامة مطابقة للمعايير.

2-الأدوية المحسنة للمناعة

كمان بسبب الكورونا هتحتاج تشتري أدوية محسنة للمناعة حتى لو محستش بأعراض عشان تحميك من الإصابة، وتخفف عليك الحالة لو لقدر الله اتصبت. معظم البروتوكولات فيها Omega 3 وأدوية الزنك وفيتامين C و D، ومن الأحسن أنك تطلب من دكتور يكتبلك بروتوكول كامل بالتفصيل.

لو نفسك فى عربية تقدر تلحق تشتريها دلوقتي، وممكن تأخد قرض لو فلوسك مش جاهزة.

3-الأكل الصحي

مع الأدوية هتحتاج تقوي مناعتك بالاكل، خصوصا الخضار والفاكهة، لأنهم مليانين فيتامينات، وبيدوا جسمك نشاط وحيوية من غير ما تقلق من زيادة الوزن. ده غير انك ممكن تقوي بيهم العناصر اللي جسمك محتاجها لمواجهة الكورونا، لأن مثلا البرتقال واليوستفندي هيدولك فيتامين C، واللحمة ومنتجات الألبان هيدولك فيتامين D، وبرضه اللحوم والمكسرات هتلاقي فيها الزنك، وطبعا الـ Omega 3 هتلاقيها فى الأسماك.

4-عقارات 

بالنسبة بقى لازاي تكسب من فلوسك خصوصا مع الخسارة اللي بيسببها الفيروس في الاقتصاد العالمي بسبب التباعد الاجتماعي اللي لازم نلتزم بيه، فأكتر حاجة مضمونة دلوقتي واتأثرت بشكل طفيف هي العقارات. فلو كنت بتفكر تشتري أي نوع من أنواع العقارات بس خايف تخسر فيه أو متعرفش تتصرف فيه، بنقولك متخفش واعتبره استثمار على المدى الطويل، كده كده هتكسب منه.

5-العربيات

العربيات من أكتر السلع اللي اتاثرت بكورونا وسعرها علي بشكل ملحوظ، حتى الانخفاض اللي الكل بيبقى مستنيه فى نهاية السنة محصلش، ومع بداية الموجة التانية للفيروس واضح ان سعرها هيكمل في زيادة مستمرة. عشان كده لو نفسك فى عربية تقدر تلحق تشتريها دلوقتي، وممكن تأخد قرض لو فلوسك مش جاهزة، وفايدتي هتساعدك تلاقي أنسب قرض عربيات ليك لما تستخدم حاسبة قروض العربيات على موقعنا.